• Kala Meleva Lieameno Lia Jeova
    Omutala Womulavi—2013 | Hitandyila 1

    • 8. (a) Mombimbiliya onomphunda pamwe mbulekesa tyi? (b) “Omphunda yomindyambi” ilekesa tyi?

      8 Tuelilongesale okuti meulo eli “epundaumbo” ine o Jelusalei, lilekesa Ouhamba wa Huku. Moluotyo, “omphunda yomindyambi ikahi komutwe yo Jelusalei” ulekesa tyi? Oñgeni “maikavambuka pokati” aikala onomphunda onombali? Omokonda yatyi Jeova apopila okuti “onomphunda mbange”? (Tanga Zacarias 14:3-5.) Mombimbiliya, pamwe onomphunda mbulekesa omauhamba ine omautumini. Tupu, omphunda ya Huku ilekesa ononkhano onongwa ine eameno. (Salmo 72:3; Isaías 25:6, 7) Ngotyo, omphunda yomindyambi ilekesa ouhamba wa Jeova wouye auho, outumini wae wavilapo.

  • Kala Meleva Lieameno Lia Jeova
    Omutala Womulavi—2013 | Hitandyila 1

    • OVANTHU VA HUKU VAHIMBIKA OKUKAHATEKELA MELEVA!

      11, 12. (a) Onalupi ovanthu va Huku vahimbika okukahatekela meleva lia Jeova? (b) Oityi tyilekesa okuti Jeova wamena ovanthu vae?

      11 Jesus walondolele ovalanduli vae okuti: “Mamukakala ovanthu veyelwe novilongo aviho, mokonda yenyina liange.” (Mateus 24:9) Oundyale oo weliyauisa vali unene tunde menima lio 1914, etyi ononthiki mbahulililako mbahimbika. Mokueenda Kuovita Viotete Viouye Auho, onondyale mbamonesile emone Ovakristau ovalembulwa vekolelo, mahi kavetyivilile okumanako efendelo liotyotyili. Mo 1919, ovanthu va Huku vayovolelwe komalongeso omatutu, ine omo Mbambilonia Onene. (Revelação 11:11, 12)a Moluotyo, ovanthu va Huku vahimbika okukahatekela meleva lia Jeova menima olio.

      12 Okupolela menima 1919, eleva lia Jeova litualako okuamena ovafendi votyotyili pano pohi. Mokueenda kuomanima, ovatumini ovanyingi vaovola okuilika ovilinga viokuivisa, nomikanda vio Nombangi mba Jeova. Iya hono, nkhele vatualako okulinga ngotyo movilongo vimwe. Mahi, namphila ovatumini valinga ononkhono opo vamaneko efendelo liotyotyili, kamavetyivili! Jeova matualako okuamena ovanthu vae nokuoko kwae kuapama.—Deuteronômio 11:2.

      13. Oñgeni tukala meleva lieameno lia Jeova? Omokonda yatyi hono tyakolela vali unene okukala meleva?

      13 Inkha tutualako nekolelo mu Jeova, nokupamena motyili, oe Nomona wae, Jesus Kristu, mavetukuatesako, iya Huku kamayeke nawike ine natyike ‘tyitupole pomaoko Ae.’ (João 10:28, 29) Jeova utuavela atyiho tuesukisa opo tutualeko okukala ovakuatyili koutumini wae no koutumini Womona wae. Iya haunene matukesukisa vali ekuateso liae mokueenda kuononkhumbi ononene mbukahi popepi. Moluotyo, hono tyakolela unene tutualeko okukala meleva lieameno lia Jeova.