Watchtower OMBIMBILIYOTEKA
Omutala Womulavi
OMBIMBILIYOTEKA ONLNE
Nyaneka
  • OMBIMBILIYA
  • OMIKANDA
  • OMALIONGIYO
  • Okuti Ovipito Aviho Vihambukiswa Huku?
    Kalako Nomwenyo Apeho! — Omukanda Maukukuatesako Okunongonoka Ombimbiliya
    • Tangei Ova Efesu 5:10, amutomphola omapulo aa:

      • Oityi tuna okusoka tyina tuya pokukoya ine matulingi otyipito tyimwe ine kamatulingi?

      • Ovipito patyi viakaka vali potyilongo ukala?

      • Tyina utala ñgaa, ovipito ovio vihambukiswa Huku?

      Ovanthu vamwe onthiki vatuukisa enima, valinga otyipito. Kumbi wasokele-ale oñgeni Huku atala otyipito otyo? Mo Mbimbiliya mutupu apa tuvasa omunthu wa Huku wapopiwa-mo okuti walingile otyipito monthiki atuukisa enima. Muapopiwa vala ovanthu vevali vetyilingile otyipito otyo, mahi ankho kavafende Siovaa. Tangei Gênesis 40:20-22 na Mateusi 14:6-10, amutomphola omapulo aa:

      • Ovipuka patyi ovivi vialingilwe movipito ovio vivali?

      • Pahe okusoka ko no tesitu ombu tuatanga, ovipito evi viomanima vikalesa ñgeni Huku?

      Hamwe pahetyino ñgaa uya nokulipula okuti: ‘Ine ndyilinga otyipito tyomanima novipito ovikwavo vilipona Nombimbiliya, ñgaa okuti Huku usuka umwe natyo anumana?’ Tangei Êxodo 32:1-8, pahe amutale OVIDIU. Tyina muamatale ovidiu, amutomphola omapulo aa:

      OVIDIU: Ovipito Vinumanesa Huku (5:07)

      • Oityi tyahandela umwe okunoñgonoka nawa etyi tyihambukiswa Siovaa, netyi tyimunumanesa?

      • Pahe matutyilingi ñgeni?

      Ovipito patyi vinumanesa Huku?

      • Ovipito viehelikuatele netyi Ombimbiliya ipopia. Opo utyitale umwe nawa ine tyelipona netyi Ombimbiliya ipopia, una okuovola okunoñgonoka (1) ovalie vetyihinda, (2) vetyihindila-tyi.

      • Ovipito viayemba kokuhilivika unene ovanthu, novipuka viotyilongo, ngetyi epandela. Onthwe tufenda umwe vala Siovaa. Tutyii okuti oe umwe vala makamanako ovitateka viovanthu.

      • Movipito mulingwa ovipuka Huku ailika mo Mbimbiliya. Katupondola okulinga otyipuka natyike Huku ati tyasila.

  • Wehelimane Ounye Novipuka Viahahambukiswa Siovaa
    Kalako Nomwenyo Apeho! — Omukanda Maukukuatesako Okunongonoka Ombimbiliya
    • Elongeso 53. Ovohe nomona wavo veli nokutala otelevisau otyo valia ononkhange.

      ELONGESO 53

      Wehelimane Ounye Novipuka Viahahambukiswa Siovaa

      Siovaa, “Huku wehambu,” uhanda no onthwe tuhambukwe ngae. (1 Timotiu 1:11) Utyihole tyina tutaindya omuvo tupululukwe-po, atulingi umwe evi vituhambukiswa. Elongeso eli, malipopi etyi tuna okulinga opo tyina tuameya pokulimana ounye, atyiti umwe onthwe tuahambukwa, Siovaa nae wahambukwa.

      1. Oityi tuna okutala nawa tyina tuameya pokukoya evi matulimane navio ounye?

      Oityi ove uhole okulinga tyina upululukwa-po? Vamwe vakala umwe vala meumbo, otyo vatanga; vamwe vatehelela oviimbo vehole; vamwe vatala otelevisau; ava vamwe vatala evi vili mo internet. Ovakwavo vetyihole tyokukala nomapanga avo, otyo vaenda-enda-po kapii. Vamwe vehole tyokuyoa; nkhele vamwe okuyumba ombola. Tyilinge evi tuhole vali viapopiwa apa, tyilinge ovikwavo vali, tuna okutala nawa ine evi tulimana navio ounye ‘vitavelwa umwe na Tatekulu.’ (Ova Efesu 5:10) Ñgeni ngotyo? Hono ovanthu velimana ounye novipuka Siovaa eyele, evi vilekesa ovanthu valwa, novanthu valinga ovipuka viasila, nevi viayemba komatambu. Pahe onthwe tuna okulunguka tuehelipake movipuka ovio. (Tanga Salmo 11:5.) Oityi matulingi na tuahanumanese Huku tyina tuameya pokukoya evi matulimane navio ounye?

      Ine tukoya omapanga ehole Siovaa, matukala ovanthu vena onondunge, atutyivili okukoya nawa evi matulimane navio ounye. Ongetyi tuelilongesa-le okuti, “una weenda novanandunge, nae makala nonondunge.” Mahi ine tuhimama novanthu vehesukile-ale netyi Huku apopia mo Mbimbiliya, no onthwe matukala “ovityova.” — Provérbios 13:20.

      2. Oityi tuesukisila okutala nawa omuvo tukala pokulimana ounye?

      Namphila pamwe evi tulimana navio ounye viaviuka umwe, mahi no ngotyo tuesukisa okulunguka tuahatalukwe unene, atumanena-po omuvo ñgeno ankho tulinga ovipuka ovikwavo viesukisa. Ombimbiliya yati tuna ‘okukwata nawa omuvo wetu.’ — Tanga Ova Efesu 5:15, 16.

      KUHANDE OKUNOÑGONOKA VALI?

      Monoñgonoka etyi una okulinga wahanumanese Huku tyina wameya pokukoya evi molimane navio ounye.

      3. Wehelimane ounye nevi viapenga

      Oityi tuesukisila okutala nawa evi tulimana navio ounye? Talei OVIDIU, amutomphola omapulo aa:

      OVIDIU: Ovitalukiso Patyi Mandyiholovona? (4:39)

      • Oñgeni etyi ankho tyilingwa mo Loma, tyelifwa novipuka ovinyingi vialingwa tulimane navio ounye?

      • Daniele wamona okuti una okulunguka kutyi?

      Tangei Ova Loma 12:9, amutomphola epulo eli:

      • Oñgeni okuhinangela onondaka mbo tesitu oyo matyikukuatesako okukoya nawa evi molimane navio ounye?

      Ovipuka patyi Siovaa ahahande? Tangei Provérbios 6:16, 17 nomukanda Ova Galata 5:19-21. Tyina muamatange otesitu ike, amutomphola epulo eli:

      • Ovipuka patyi viapopiwa mo tesitu oyo viakaka unene moviimbo, no mo televisau, no movipuka ovikwavo ovanthu velimana navio ounye?

      Omapulo una okulilinga tyina wameya pokukoya evi molimane navio ounye

      Lipula okuti:

      • Okuti muna tyimwe Siovaa ahahande?

      • Okuti mandyimanena-po omuvo ñgeno ankho ndyilinga ovipuka ovikwavo viesukisa?

      • Okuti mandyikala novanthu vahalingila Siovaa?

      Ngetyi tukalela kokule ovipuka aviho vipondola okutuipaesa, tupu tuna okuenda-nkholo ovipuka aviho tusoka okuti vipondola okunyona oupanga wetu na Siovaa

      Omutahi wetuku-tuku uli nokusinga kondyendyeli womphunda. Etuku-tuku liakambela umwe vala kapii, liya-le nokutokela metoto.

      4. Wahanyane nomuvo

      Talei OVIDIU, amutomphola epulo eli:

      OVIDIU: Okuti Uli Nokukwata Nawa Omuvo? (2:45)

      • Omukuendye tuamona movidiu, ankho katale ovipuka viasila. Mahi okuti ankho uli umwe nokukwata nawa omuvo wae?

      Tangei Ova Filipu 1:10, amutomphola epulo eli:

      • Oñgeni okusoka ko tesitu oyo matyikukuatesako okutala omuvo mokala nokulimana ounye?

      5. Limana ounye novipuka mavikukalesa nawa

      Kuna ovipuka ovinyingi ovanthu velimana navio ounye vinumanesa Siovaa. Mahi tupu otyo kuna ovinyingi vikahi nawa, vimuhambukiswa. Tangei Eclesiastes 8:15 nomukanda Ova Filipu 4:8, amutomphola epulo eli:

      • Ovipuka patyi vikahi nawa uhole okulinga ulimane ounye?

      Omalutalatu: Ovanthu veli nokulimana ounye. 1. Omuhikuena uli nokutehelela oviimbo otyo anthyinda omalutalatu. 2. Ovakuendye vetatu veli nokuyumba ombola. 3. Ovana veli nokutaha omisikaleta. 4. Omona uli nokunyana, matiwa uli nokulinga okatuku-tuku. 5. Omukulu una nokuhika oñgoma. 6. Omukuendye veli nokuyumba mo televisau na tate yae. 7. Omuhikuena uli nokupola onofoto.

      Pena ovipuka ovinyingi vikahi nawa upondola okulinga ulimane ounye

      OVANTHU VAMWE VATI: “Katyapengele-ale okutala evi vilekesa ovanthu valwa, novanthu valinga ovipuka viasila, nevi viayemba komatambu. Tyikola vala, okuehetyilingi!”

      • Ove oityi usoka?

      ETYI WELILONGESA

      Wamona okuti Siovaa uhanda tulimane ounye novipuka vikahi nawa.

      Okupitulula

      • Ovipuka patyi Siovaa ahahande ovanthu vae velimane navio ounye?

      • Tyina tuya pokulimana ounye, omokonda yatyi otyiwa okutala nawa omuvo tumanena-po?

      • Okuti uhanda umwe vala okulimana ounye novipuka vihambukiswa Siovaa? Omokonda yatyi?

      Hetekela okulinga ñgaa

      KUHANDE OKUOVOLA VALI?

      Tanga onthele ei utale olie una okutupopila evi matulimane navio ounye.

      “Okuti Onombangi mba Siovaa Vena Ou Uvepopila Omikanda Vena Okutanga, Noviimbo Vena Okutehelela, Nevi Vapondola Okutala mo Televisau?” (Mo jw.org)

      Tala oñgeni upondola okukwata nawa omuvo, na tyina umwe uli nokulinga tyimwe ulimane ounye.

      “Okuti Ovitalukiso Viove Vikukalesa Nawa?” (Omutala Womulavi 1 ya Outubro yo 2011)

      Monthele ei yokuati “Ame Nayekapo Ovituwa Viange Ovivi,” tala oñgeni omulume umwe etyivila okuyekapo okulimana ounye novipuka viapenga.

      Ombimbiliya Ipilulula Omuenyo Wovanthu (Omutala Womulavi 1 ya Março yo 2010)

      Tala etyi omuhikuena ou ahinangela, ahatale mo televisau etyi mualekeswa ovanthu vatyituka.

      Wahatale Ovipuka Viayemba Komatambu (2:02)

Nyaneka Publications (1998-2026)
Lupukamo
Nyingila
  • Nyaneka
  • Tuma
  • Likoyela
  • Copyright © 2025 Watch Tower Bible and Tract Society of Pennsylvania
  • Etyi Tyilingwa Pokunyingilamo
  • Etyi Munyingilwa
  • Etyi Tyilingwa Pokunyingilamo
  • JW.ORG
  • Nyingila
Okutuma