Ounkhembi wa 3: Ovanthu Aveho Onondalawa Vaya Keulu
Opi ounkhembi oo watuka? Konyima yononkhia mbo no apostolu mba Jesus, vana vahimbika okuihanwa okuti Tate Yongeleya avakala nomunkhima omunene. Omukanda the New Catholic Encyclopedia (2003), Volume 6, pefo 687, upopia omalongeso avo okuti: “Elongeso liavo ankho liavilapo, o liokuti tyina ohande yamatundu molutu pononkhia, isukulwa liwa-liwa, aiyende kehambu lio keulu.”
Oityi Ombimbiliya Ipopia? “Vomutima wapoleya, ovana-mbembwa mokonda mavakapiñgana oohi.”—Mateus 5:5.
Namphila Jesus alaa ovalongwa vae okuti oe ‘mekevepakela omphangu’ yavo keulu, mahi, oe walekesa okuti ovaviuki haaveho mavai keulu. (João 3:13; 14:2, 3) Oe kelikuambelele okuti ehando lia Huku lilingwe “pano pohi ngetyi lilingwa keulu?” (Mateus 6:9, 10) Tyotyili, ponomphangu ombo onombali, ovaviuki vakevelelapo vala ike. Vehehi mavakatumina na Kristu keulu, mahi, otyinyingi mavakakala apeho nomuenyo kombanda yoohi.—Revelação 5:10.
Mokueenda kuomuvo, ongeleya yotete, yapilulula olusoke luavo konthele yotyilinga tyavo kombanda yoohi. Iya otyo atyieta tyi? Omukanda The New Encyclopædia Britannica, wati: “Ongeleya oyo yapilulula ekevelelo Liouhamba wa Huku.” Ongeleya oyo aihimbika okulipameka, mokulipaka mo pulitika, avayekepo okutavela otyitumino tyayandyuluka nawa tyokuti ovalanduli vae, kapondola ‘okulinga onthele youye.’ (João 15:19; 17:14-16; 18:36) Nehongiliyo lia Constantino Omutumini wo Roma, ongeleya aiyekepo omalongeso ayo amwe, na lina lilekesa nawa oñgeni Huku ekahi.
[Ehangununo liolutalatu pefo 6]
Tyieleka no noversikulu ombu mbo Mbimbiliya: Salmo 37:10, 11, 29; João 17:3; 2 Timóteo 2:11, 12.
[Ehangununo liolutalatu pefo 6]
OTYILI:
[Ehangununo liolutalatu pefo 6]
Otyinyingi tyovanthu va Huku mavakakala apeho nomuenyo kombanda yoohi—ha keulu ko
[Ehangununo liolutalatu pefo 6]
Art Resource, NY