Upondola Okuundapa Movilinga Viokuivisa Movityalumingu?
1. Oityi tupondola okulilongesila ku Paulu no omundyila yae mo Filipu?
1 Ova Judeu vo ko Filipu ankho vapululukuapo mo Tyasapalo. Paulu no omundyila yae ankho vekahi nokutalelapo epundaumbo moungendi wavo woumisionaliu. Nawike ankho upondola okuvepopia moluetyi vapola onthiki oyo yokupululukwapo pala okuundapa movilinga viokuivisa. Mahi, ankho vetyii okuti ova Judeu ankho veliongiya kondye yepundaumbo pala okulikuambela, moluotyo avaovola omphitilo pala okuveivisa. Paulu no omundyila yae vahambukilue unene etyi Lidia atehelela iya ambatisalwa nombunga yae aiho! (Atos 16:13-15) Mokonda ovanthu ovanyingi Tyalumingu vakala peumbo, ha tyiwa okuenda movilinga viokuivisa monthiki oyo?
2. Ovitateka patyi ovanthu va Jeova vafinda opo vaivise mo Tyalumingu pehena etyi tyivetyilika?
2 Tyesukisa Ononkhono Pala Okuivisa Mo Tyalumingu: Menima lio 1927, ovanthu va Jeova vaavelelwe ondundo yokuivisa Movityalumingu aviho. Otyo atyieta oundyale. Ovanyingi mo Estadu Unidu vapakelwe movikaleya mokonda ankho kavapululukua motyalumingu, kavayeke vakuavo vapululukuepo, nokulandesa omikanda tyahatuminwe nakaputu. Mahi ovanthu va Jeova vatuaileko nokuivisa. Omawaneno menima 1930 aahimbika okuundapa monkhalelo yaongana pala okuivisa otelitoliu aiho. Ovikando ovinyingi tyina ovaivisi vapakua mokaleya, ankho ovanyingi unene iya ovatumini avehetyivili okuvetalameka. Okuti tupanda ononkhono ovakuatate ovo valinga opo tuivise mo Tyalumingu pehena etyi tyitutyilika?
3. Omokonda yatyi Otyalumingu onthiki ongwa pala okuivisa?
3 Onthiki Imwe Ongwa Pala Okuivisa: Ovanthu ovanyingi kavaundapa mo Tyalumingu. Vekahi vala peumbo. Vamwe vehole okuenda kokapela, okupopia navo konthele ya Huku monthiki oyo vetyihole. Inkha tulinga eliongiyo mo Tyalumingu, tuvalei ovikutu vitavela okuenda navio movilinga viokuivisa. Omokonda yatyi kuonganekela nawa omuwo opo wende movilinga viokuivisa tyina nkhele uhenende keliongiyo ine tyina liamapu? Inkha tyesukisa, tyinda okulia.
4. Ehambu patyi matukala nalio inkha tuundapa onoola mbumwe movilinga viokuivisa mo Tyalumingu?
4 Inkha tuundapa onoola mbumwe movilinga viokuivisa mo Tyalumingu, nkhele matukala nomuvo wesukisa pala okupululukwa. Tupu, matupululukwa nehambu litundilila kokuumbila Jeova. (Pro. 19:23) Tupondola okukala nehambu liokuvasa ovanthu vekahi nga Lidia!