Otyinepo Katyipu!

Tyina vokuelinepa velivila nawa meumbo, vahambukiswa Siovaa navo muene vahambukwa. (Malu. 10:9) Mahi opo eumbo litunge, una okulinga etyi Ombimbiliya ipopia tyina uti pokuovola ou mamulinepe nae.

Ombimbiliya ipopia okuti hahe omunthu anepe tyina pahe ekulale. Omokonda yatyi? Omokonda pahe opo omunthu masoko umwe nawa, akoyo umwe nawa; kamanepe vala opo alinge otyinepo tyopoula. (1 Kol. 7:36) Tyina nkhele wehenenepe, likuatehila ulinge epanga enene lya Siovaa, olingi umwe ovipuka vihambukiswa Huku. Ine otyo ulinga pahetyino, tyina pahe wamanepe, motyivili okulinga ovipuka nonondunge eumbo lienyi alitungu.

Tyina nkhele muehenelitavele mulinepe, ovola okunoñgonoka oñgeni muene-muene ekahi, ‘etyi atuwa momutima.’ (1 Pet. 3:4) Ine mukahi nokulipola konomphunga, mahi ovipuka vimwe mukwenyi alinga ngoti haa meumbo kamamukelivila nawa, tompholei. Mahi apeho una okuhinangela okuti otyinepo hakukevelela vala mukwenyi ekulingile-ko ovipuka vikuhambukiswa. Tyina usoka kotyinepo, una okusoka kovipuka mokalingila-ko mukwenyi. (Fili. 2:3, 4) Ine pokuovola ulinga umwe etyi Ombimbiliya yapopia, opo haa tyina muamelinepe, eumbo lienyi malitungu.

TALA OVIDIU YATI: OÑGENI MOLIFUIKA PALA OKUNEPA? — OVIDIU 3: ‘TETE SOKA UTALE ETYI UNA-TYO.’ PAHE OKUMBULULA OMAPULO AA:

• Po tete oñgeni oupanga wavo ankho ukahi?

• Ovipuka patyi omuhikuena amona komukuendye wae etyi pahe emunoñgonoka umwe nawa?

• Oityi ovo tate yae valinga vemukuateseko? Oityi ngwe asoka okulinga?