Eulo 2. Ondyala
“Makukaenda ondyala.”—MARCOS 13:8.
● Omulume umwe wovola etililo kepundaumbo etutu lioko Quaratadji, ko Níger. Tyepwa tyae, no nondenge, no nomphange mbae tupu vatunda kononthele ononkhuavo mbotyilongo okutila ondyala. Omulume ulangi aike pohi kevinda. Omokonda yatyi ekahi aike? Sidi, sekulu yepundaumbo olio, wahangununa okuti: “Oe utupu natyike pala okutekula [ombunga yae] iya okuvetala tyimulinga navi.”
OITYI TYIKAHI NOKUMONEKA? Mouye auho, ovanthu vamwe vetupu okulia kutuuka pala kese nthiki. Movilongo vimwe mo Afilika ovanthu ovanyingi vena ondyala onene. Mongeleka, soka kombunga imwe, he na ina, nomona. Inkha pena vala okulia kutuuka pala ovanthu vevali, olie makala nondyala? O he? O ina? Ine Omona? Otyo otyitateka onombunga ombo mbuna ononthiki ambuho.
OITYI OVANTHU VAPOPIA? Oohi yavela ovikulia vituuka pala ovanthu aveho. Omalumono oohi ahanda vala omunthu weyapula nawa.
OKUTI ETYI OVANTHU VAPOPIA OTYILI? Tyotyili, ovalimi hono vapondola okulima nokutuala kovanthu okulia okunyingi tyipona kohale. Ovatumini vena okutyivila okuavununa okulia pano pohi nokutetulula ovitateka viondyala. Namphila vaovola okutyilinga mokueenda kuomanima omanyingi, kavetyivili.
OITYI OVE USOKA? Okuti Marcos 13:8 ikahi nokufuiswapo? Namphila ounongo womouye ukahi nokuliyawisa, ondyala kaikahi nokunyona ovanthu mouye auho?
Ovinimawe nondyala vitundilila kovitateka ovikuavo vilinga onthele yenyingilikilo lio nonthiki mbahulililako.
[Onondaka Mbavilapo pefo 5]
“Ovana ovanyingi vankhia notyitoma, notyihana, nomauvela omakuavo, mahi inkha handyala ñgeno vahupa.”—ANN M. VENEMAN, EX-DIRETOR EXECUTIVO DO FUNDO DA ONU PARA A INFÂNCIA.
[Olutalatu Lualandwa pefo 5]
© Paul Lowe/Panos Pictures