Watchtower OMBIMBILIYOTEKA
Omutala Womulavi
OMBIMBILIYOTEKA ONLNE
Nyaneka
  • OMBIMBILIYA
  • OMIKANDA
  • OMALIONGIYO
  • w14 7/1 p. 7
  • Oityi Huku Makalinga Ovivi

Naike ovindiu iyeemba ku otyo

Tala mukwe pena etyi tyahaendele movindiu

  • Oityi Huku Makalinga Ovivi
  • Omutala Womulavi Wivisa Ouhamba Wa Jeova—2014
  • Tyelifwa
  • Ovanthu Ovawa Navo Vamonekelwa Novivi Omokonda Yatyi?
    Omutala Womulavi Wivisa Ouhamba Wa Jeova—2014
  • Omokonda Yatyi Kuakalela Ononkhumbi Ononyingi?
    Oityi Ombimbiliya Itulongesa?
  • Olipi Ehando lia Huku Pala o Ohi?
    Oityi Ombimbiliya Tyilityili Ilongesa?
  • Apa Katutu Ononkhumbi Mambukapuako!
    Omutala Womulavi Wivisa Ouhamba Wa Jeova—2013
Tala vali
Omutala Womulavi Wivisa Ouhamba Wa Jeova—2014
w14 7/1 p. 7
Ouye wombembwa muhena ononkhumbi, muna vala ovanthu vahambukwa nombunga iyakula una watutila

OSAPI YOKONDYE | OMOKONDA YATYI OVANTHU OVAWA NAVO VAMONEKELWA NOVIVI?

Oityi Huku Makalinga Ovivi

Ombimbiliya itupopila nawa etyi Jeova Nomona wae, Jesus Kristu mavakalinga ononkhumbi mbaetuako na Satanasi Eliapu. Yati: “Otyo Omona wa Huku [Jesus] aholololelwa, opo ahanyauneko ovilinga vie Liapu.” (1 João 3:8) Ouye uno weyula elungavi, noundyale, novivi maunyimuako. Jesus walaa okuti: “Omutumini wouye uno,” Satanasi Eliapu “makapoluako.” (João 12:31) Tyihena vali omahongiliyo a Satanasi, mouye omupe mamukakala ouviuki, ohi aiho aikala omphangu yombembua.​—2 Pedro 3:13.

Iya vana vehetavela okupilulula onkhalelo yomuenyo wavo nokutualako okulinga ovipuka ovivi? Soka komulao ou: “Ovaviuki vala mavakakala kombanda yohi, iya vana vahavelwa onombei mavakatualako okukala kombanda yohi. Anthi, onondingavivi mavakanyimuako kombanda yohi, iya onongangala keheke mavakatukuluako.” (Provérbios 2:21, 22) Etyi tyihongiliya ovanthu okulinga ovivi kamatyikakalako vali. Mouye oo wombembua, ovataveli mavakayovoka katutu-katutu konkhali vapiñgana.​—Romanos 6:17, 18; 8:21.

Mouye omupe, oñgeni Huku makanyimako ovivi? Hakuti makapola ovanthu epondolo liokuliholovonena avakala ngonomakina. Anthi, makalongesa vana vetavela nokuvekuatesako okulityilika omalusoke novilinga viveetela ononkhumbi.

Huku makanyimako ovipuka aviho vieta ononkhumbi

Oñgeni Huku makalinga ovivi vituuhulukila? Huku walaa okuti outumini Wouhamba wae apa katutu maukayunga ohi. Ou Huku aholovona opo akale Ohamba Youhamba oo, o Jesus Kristu una epondolo liokuhakula omauvela. (Mateus 14:14) Jesus tupu una epondolo liokuyunga ononkhono mbohi. (Marcos 4:35-41) Ngotyo, ononkhumbi mbutuka “komuvo novitateka viuhuluka vala” mambukapuako. (Eclesiastes 9:11) Moutumini wa Kristu ovanthu kamavakamona otyitateka natyike.​—Provérbios 1:33.

Iya ovanthu ovanyingi vekahi nokunkhia omapita vehei natyike? Etyi ehenepindulepo epanga liae Lasalu mononkhia, Jesus wati: “Ame tutilo, ame muenyo.” (João 11:25) Tyotyili, Jesus una epondolo liokututilisa ine okukondola komuenyo ovanthu vankhia!

Inkha olusoke luokukala mouye omupe muna ovipuka ovivi vihakamonekela vali ovanthu ovawa, oluwa, oityi uhalingila ononkhono mbokunoñgonoka vali konthele ya Huku yotyotyili nehando liae, mokulilongesa Ombimbiliya? Onombangi mba Jeova potyilongo tyove makala nehambu liokukukuatesako okukala nenoñgonoko olio. Ove ukahi nokukongwa opo wihane vana vakala potyilongo tyove ine okuhonekela ku vana valinga omukanda ou.

    Nyaneka Publications (1998-2026)
    Lupukamo
    Nyingila
    • Nyaneka
    • Tuma
    • Likoyela
    • Copyright © 2025 Watch Tower Bible and Tract Society of Pennsylvania
    • Etyi Tyilingwa Pokunyingilamo
    • Etyi Munyingilwa
    • Etyi Tyilingwa Pokunyingilamo
    • JW.ORG
    • Nyingila
    Okutuma