Tala Etyi Tyaenda

Linga Omunthu Wokankhenda Novanthu Aveho

Nthiki imwe, omukai umwe Ombangi ukala ko Nova Zelândia, watalele ovindiu yokwati: “Sukei na Vakwenyi.” Ovindiu oyo ipopia okuti okankhenda ka Siovaa kakakala vala komutima, mahi ulinga umwe evi vilekesa okuti una-ko. (Isa. 63:​7-9) Etyi eitala, ati naame ndyina umwe okulinga etyi matyilekesa okuti ndyina okankhenda. Monthiki yatyo oyo atala ovindiu, etyi atunda-po ena etyi akalanda, akahonyena nomukai umwe ukala vala momatapalo wehena-le apa akala, asoko ati ndyimulandele vala okapuka kamwe alie. Etyi emutwaila, omukai oo atambula umwe. Pokwemweetela okakulia oko, emwivisa notratadu yokwati: Okuti Ononkhumbi Mambukapuako?

Omukai oo ahimbika okulila. Ati wali umwe Ombangi pweetyi omona, mahi wayeka-po-ale otyili kohale. Ati pononthiki mbatyo opo, welikwambelele ku Siovaa emukwateseko akondoke vali kwe. Emwavela Ombimbiliya, omukai oo etavela umwe okulongeswa Ombimbiliya.a

Tuhetekelei Siovaa, tulingei okankhenda vakwetu, tyilinge vetu mombunga, tyilinge vakwetu mewaneno. Otyikwavo tuna okulinga tyimoneke okuti tuna okankhenda, okusuka umwe nokwovola onomphitilo mbokwivisa.