Ebirango

◼ Ebitabo ebi turaagabe omuri Febwari: Draw Close to Jehovah hamwe na Okumanya. Maaci: Nitwija kugaba akatabo Eki Baibuli Erikwegyesa kandi tuteereho kugira abu twatandika kushomesa Baibuli. Apuri na Mei: Nitwija kugaba Watchtower na Awake! Waagarukira abo abaayorekire ngu nibenda kumanya ebirikukiraho, otaireho n’abo abaizire aha Kiijutsyo nari abo abarikwija omu nteerane ezimwe, teeraho kugaba akatabo Eki Baibuli Erikwegyesa, oine ekigyendererwa ky’okutandika kubashomesa Baibuli.

◼ Omuhandiiki w’ekibiina nari omureeberezi w’obuheereza ashemereire kushwijuma obuheereza bwa baapayoniya aba butoosha boona. Haaba hariho abaine oburemeezi omu kuhitsya eshaaha zaabo, abareeberezi b’ekibiina bashemereire kutaho entebeekanisa y’okubahwera. Obuhabuzi aha ku baakubaasa kubahwera buri omu baruha ezirikwetwa S-201 eza buri mwaka.

◼ Orubazo rw’omutaano oruraije kuheebwa omu bwire bw’Ekiijutsyo orwa 2007 rwine omutwe “Noobaasa Kugira Oburinzi omu Nsi Egi Eyijwire Emirabanamu!” Reeba ekirango ekiine akakwate n’eki omu Our Kingdom Ministry aka Okitoba 2006.