Ebi Turikubaasa Kugamba Turikugaba Zaamagaziini

The Watchtower Agusto 1

“Baingi nibagira ngu abarikukora ebirungi boona nibaija kuza omu iguru. Naiwe nikwo orikwikiriza? [Tegyereza agarukyemu.] Yetegyereze eki ekyahandiikirwe eki kirikugamba aha nsi. [Shoma Zaaburi 37:11, 29.] Ebiri ahansi y’omutwe ogu nibyoreka eki Yesu yaayegyeise aha biro by’omumaisho eby’abantu hanu omu nsi.” Mworekye ebirikutandikira aha rupapura 22.

Awake! Agusto

“Okufeerwa omuzaire n’ekintu ekirikusaasa munonga. Tikwo kiri? [Tegyereza agarukyemu.] Ebihandiikirwe omu Baibuli otwariiremu n’eki, bihuumuriize baingi. [Shoma Okushuuruurwa 21:4.] Ebiri ahansi y’omutwe ogu nibishoboorora oku omunyeeto na munonga arikubaasa kwemera obusaasi bw’okufeerwa.” Mworekye ebirikutandikira aha rupapura 10.

The Watchtower Sebutemba 1

“Abantu abamwe nibagira ngu waaba ori omwesigwa ahari Ruhanga, naakuha obutungi, ngu kwonka obworo n’akamanyiso ngu Ruhanga tarikukusiima. Iwe nokigambaho ki? [Tegyereza agarukyemu.] Ekirikutangaaza, Yesu akaba atari mutungi. [Shoma Luka 9:58.] Magaziini egi neegamba aha migisha ei abaheereza ba Ruhanga barikubaasa kugira amatsiko kutunga.”

Awake! Sebutemba

“Nooteekateeka ngu eminyeeto ebiro ebi baine oburemeezi bwingi okukira oku kyabaire kiri kare? [Tegyereza agarukyemu.] Baingi nibaikiriza ngu ekyahandiikirwe eki nikishoboorora aha bwire obu, obu turimu. [Shoma 2 Timoseo 3:1.] Magaziini egi neeyoreka emisingye y’omu Baibuli erikubaasa kuhwera abazaire n’eminyeeto okugumira oburemeezi.”