Ebi Turikubaasa Kugamba Turikugaba Zaamagaziini

The Watchtower Gyuni 1

“Baingi nibaikiriza ngu ediini zoona eziri omu nsi n’emihanda etarikushushana eri kuhitsya ahari Ruhanga omwe. Iwe nokigambaho ki? [Tegyereza agarukyemu.] Yetegyereze eki Baibuli erikugamba aha nshonga egi. [Mushomere Yoshua 24:15.] Ebiri ahansi y’omutwe ogu nibiha buri omwe enshonga nungi eshemereire kumureetera kweshwijuma kureeba yaaba ediini ye neehitsya ahari Ruhanga.” Mworekye ebirikutandikira aha rupapura 12.

Awake! Gyuni

“Twena turafeereirweho abantu. Nooteekateeka twine kutiina ngu bamwe aharibo nibabaasa kutugwerwa kubi bende kutusaasa? [Tegyereza agarukyemu, reero omushomere Omubuurizi 9:5, 6.] Ebiri ahansi y’omutwe ogu nibigaruramu amaani.” Mworekye ebirikutandikira aha rupapura 22.

The Watchtower Gyuraayi 1

“Abantu baingi abaine Baibuli nibashanga ngu egumire kwetegyereza. Naiwe orateekateekire otyo? [Tegyereza agarukyemu.] Kurugiirira aha runyiriri oru, Owaahandiikire Baibuli Ruhanga naayenda ngu twetegyereze kandi tugasirwe omu Kigambo kye ekihandiikirwe. [Mushomere Zaaburi 119:130.] Magaziini egi neyoreka obuhabuzi bw’emiringo eshatu oburaatuhwere kwetegyereza Baibuli.”

Awake! Gyuraayi

“Abantu baingi ebiro ebi baine amaganya. Nooteekateeka ngu Ruhanga naafayo ahari abo abarikuganya? [Tegyereza agarukyemu, reero omushomere Zaaburi 34:18.] Magaziini egi neshoboorora aha ku abo abaine amaganya barikubaasa kutunga obuhwezi kuruga ahari Ruhanga, n’obu baraabe nibeetenga n’okuragurirwa abashaho. Kandi neeha n’obuhabuzi aha bi turikubaasa kugamba okubahuumuriza.”