Ebi Turikubaasa Kugamba Turikugaba Zaamagaziini

The Watchtower Gyuraayi 1

“Baingi ahariitwe titurikumanya eki turikubaasa kugambira munywani waitu orikuba arwaire munonga. Nooteekateeka ki aha buhabuzi obu? [Shoma Yakobo 1:19 reero otegyereze agarukyemu.] Ebiri ahansi y’omutwe ogu nibituha obuhabuzi bwingi oburikukora oburikuruga omu misingye ya Baibuli.” Mworekye ebirikutandikira aha rupapura 10.

Awake! Gyuraayi

“Abakazi bashemereire kuba abeebembezi b’ediini? [Tegyereza agarukyemu.] Aha hariho eki Baibuli erikugamba aha mukazi omwe. [Shoma Abarooma 16:1.] Kwonka, ekyahandiikirwe ekindi nikigira ngu abakazi bashemereire kuhunama omu kibiina. Mbwenu, Baibuli neekigambaho ki? Ebiri ahansi y’omutwe ogu nibishoboorora aha nshonga egyo.” Mworekye ebirikutandikira aha rupapura 28.

The Watchtower Agusto 1

“Abantu baingi nibatiina ngu engamba nari okuhinduka kw’embeera y’obwire nibiija kushiisha ensi nari bigihwerekyereze. Nooteekateeka ngu ekyo kiryabaho? [Tegyereza agarukyemu.] Yetegyereze eki Baibuli erikugamba aha nshonga egi. [Shoma Okushuuruurwa 11:18.] Magaziini egi negarukamu ebibuuzo bina ebirikukira kubuuzibwa ebirikukwata aha mperu y’ensi egi.”

Awake! Agusto

“Abajurizi ba Yehova nibabaasa kuba baragambireho naiwe. Oreebuurizeho ahabw’enki nitugyenda enju aha nju, na munonga hati obu abantu baingi batarikufayo kuhurikiza? [Tegyereza agarukyemu. Shoma Matayo 24:14.] Nitukira kushanga ngu abantu baingi tibarikumanya gye ebirikutukwataho. Magaziini egi neshoboorora Abajurizi ba Yehova nibo baahi.”