Ebirango

◼ Ebitabo by’okugaba omuri Maaci: Niki eki Baibuli Buzima Erikwegyesa? Ababuurizi baine kuba n’ekigyendererwa ky’okutandika kwegyesa omuntu Baibuli ou baraahe akatabo ako nari ou baraashangye akaine. Apuri na Mei: Watchtower na Awake! Twagarukayo kutaayaayira abarikwenda kumanya ebirikukiraho, otwariiremu n’abo abarikwija aha Kiijutsyo n’abandi abarikwija omu nteerane ezindi kwonka abatarikukira kwija, tute omutima aha kugaba akatabo Niki Eki Baibuli Buzima Erikwegyesa? Ekigyendererwa kishemereire kuba okutandika kubeegyesa Baibuli. Gyuni: Niki Eki Baibuli Buzima Erikwegyesa? Abaraabe baine akatabo aka ababuurizi nibabaasa kubaha akatabo Ramya Ruhanga Omwe Ow’Amazima, Okumanya Okurikwebembera Okuhitsya Omu Magara Agatahwaho, nari burocuwa Ruhanga Natwenza Ki?

◼ Zaamagaziini ensya zishemereire kuheebwa ababuurizi juba zaaheza kuhika omu kibiina, ekyo nikiija kubaasisa ababuurizi kwetegyereza gye ebizirimu batakatandikire kuzigaba omu kubuurira.

◼ Ekiijutsyo nikiija kubaho Orwa Kabiri, Maaci 30, 2010. Ebyeshongoro ebirakoresibwe aha Kiijutsyo ni 8 na 5 kuruga omu kitabo ky’ebyeshongoro ekisya. Ekibiina kyanyu ku kiraabe nikigira enteerane Orwa Kabiri, entebeekanisa zishemereire kukorwa kugira ngu enteerane ezo zibeho erindi eizooba omu saabiiti egyo. Ahu ebibiina bingi birikukoresa Ekyombeko ky’Obukama kimwe kandi enteerane ezo zitarikubaasa kuhindurwa kubaho aha izooba erindi, nizibaasa kushazibwamu. Oruteerane rw’Obuheereza rwashazibwamu, ebicweka byarwo ebirikwetengyesa munonga ahabw’ekibiina kyanyu, nimubaasa kubigira omu Ruteerane rw’Obuheereza orwa saabiiti endiijo.