Eminyeeto Neebuuza—Niinyija Kukoresa Ki Amagara Gangye? (Ekicweka 1)
Eminyeeto ku barikugyenda nibakura, nibaba baine kucwamu aha nshonga eziri nkuru. Vidiyo Young People Ask—What Will I Do With My Life? etebeekanisiibwe kubahwera kukora ekyo. Ku oratandikye vidiyo egi, imata aha “Play Drama,” kubaasa kugarukamu ebibuuzo ebiri omu kacweka 2. Bwanyima, imata aha “Interviews” reero oyimate aha “Looking Back,” ogarukemu ebibuuzo ebiri omu kacweka 3.
Omuzaano: (1) Embeera ei Timoseo yaabaire arimu neshushana eta n’ey’eminyeeto Abakristaayo ab’obunaku obu? (2) Andre akaba naagyemeserezibwa ata kuba omwiruki rurangaanwa? (3) Ow’eishe-emwe Fleissig akagambira ki Andre ahari ebi? (a) Okwehayo ahari Yehova hamwe n’emizaano. (Mat. 6:24) (b) ekirikureeta okushemererwa okwabuzima. (c) eki ebakuri ei yaarugire nayo omu kihome yaabaire neemwijutsya. (d) abantu abu yaabaire ari nabo aha kishushani n’omukazi we. (e) Mbwenu shi Fleissig akeefuuza ahabw’okuhindura ebigyendererwa bye? (Fil. 3:8) (4) Nyinenkuru Andre akagarukamu ata ekibuuzo kya Andre eki: “Mbwenu shi kigwire kwenda kuba omwiruki rurangaanwa?” (Luk. 4:5-7) (5) Mbwenu shi okusinga empaka z’okwiruka kikareetera Andre okumarwa? (6) Niki ekikushemeize omu baruha ei ow’eishe-emwe Fleissig yaahandiikiire Andre? (Enf. 10:22) (7) Ow’eishe-emwe Fleissig akahwera Andre kwetegyereza ki?
Eby’Enyima: (8) Ow’eishe-emwe na munyaanyazi-itwe bakaba bemariire aha kukora ki, kandi ahabw’enki? (9) Bakaba nibarangaanwa kwingana ki? (10) Niki ekyareetaire buri omwe aharibo kuhindura ebigyendererwa bye? (2 Kor. 5:15) (11) Ku baarekire ebi baabaire nibakora bakaza mu buheereza ki, kandi ahabw’enki baareebire ngu tibarikubaasa kukora byombi? (12) Baine eki bayefuurize ahabw’okuhindura ebigyendererwa byabo? (13) Omu bi baagambire niki ekikizire kukureetera kuteekateeka aha bigyendererwa ebi oshemereire kutaho?
Nitukuhiga kureeba ebicweka ebindi byona eby’abarikubuuzibwa, kandi otebeekanise kugira eki waabigambaho twaba nitubihikaanisaho ebiteekateeko omu Oruteerane rw’Obuheereza saabiiti erikwija.