Noija Kukoresa Ki Amagara Gaawe?

¹ Abaana obumwe nibababuuza bati: “Nooyenda kuba ki ku oraakure?” Obu waabaire okiri omwojo muto okaba noobaasa kugira ngu nooyenda kuba omuvugi wa motoka? omuteezi w’omupiira? omureeberezi orikutaayaayira ebibiina? Nari nk’omwishiki muto okaagizire ngu nooyenda kuba omweshongozi? naasi? omumishani? Hati obu ori mukuru noobaasa kwebuuza ekibuuzo eki ‘Ninza kukoresa ki amagara gangye?’ Waayeteekateekire kucwamu?

² Okukuhwera kucwamu omu muringo ogurikukirayo oburungi ekibiina kya Yehova kikashohoza DVD erikwetwa Young People Ask—What Will I Do With My Life? Nyabura ‘we gira akiire ogireebe kandi oteekateeke munonga ahari byona ebigirimu otwariiremu n’omuzaano abarikubuuzibwa n’ebyongyeirwemu. Orunyiriri ry’ebirimu nirushangwa omu kabokisi akarikwetwa “Main Menu.”

³ Omuzaano: Omu kureeba omuzaano sherura ebirikugarukamu ebibuuzo ebi: (1) Timoseo orikugambwaho omu Byahandiikirwe by’Ekikristaayo eby’Orugriika naashushana ata na Andre? (Byak. 16:1; 1 Tim. 4:8; 2 Tim. 1:5) (2) Andre akaba naahigwa ata kukora gye omu kwiruka okw’empaka kandi akaba naahigwa oha? (3) Ni baahi abaahwereire Timoseo nari Andre kucwamu kukora ekihikire kandi bakabahwera mu miringo ki? (2 Tim. 1:1-4; 3:14, 15) (4) Obuhabuzi oburi omuri Matayo 6:24 n’oburi omu Abafilipi 3:8 bukahwera buta Andre kandi iwe nibukuhwera buta?

⁴ Ebicweka by’Omuzaano Ebitoorainwemu: Ku oraaheze kureeba omuzaano gwona garuka oreebe ebicweka ebi kandi ogarukemu ebibuuzo ebyakuheebwa. “Paulo na Timoseo”: Ni kwehanangiriza ki oku Paulo yaahererukireyo kuha Timoseo? (2 Tim. 4:5) “Okuha Yehova Ekirikukirayo Oburungi”: Oine bigyendererwa ki eby’omwoyo? “Okuza aha Rubaju Orwa Yehova”: Okushemererwa okwa buzima nikuruga hi? “Obuhabuzi bwa Nyinenkuru”: Ahabw’enki ni kibi kwenda kuba rurangaanwa omu nsi ya Sitaane? (Mat. 4:9) “Tihariho Kwefuuza”: Ni kintu ki eki orikubaasa kuzoora ekirikubaasa kukureetera obunanukye omu magara?​—Enf. 10:22.

⁵ Abarikubuuzibwa: Ku obaire nooreeba buri kicweka ahari ebi ahaifo ni kintu ki eki oreebire eki orikubaasa kukora kuheereza Yehova n’agaawe goona? (1) “Okwehayo Kusherura Ebitaine Mugasho Nari Okwehayo Ahari Ruhanga?” (1 Yoh. 2:17); (2) “Okwega Kukunda Obuheereza Bwawe.” (Zab. 27:14); na (3) “Orwigi rw’Obuheereza Orwigwire.”​—Mat. 6:33.

⁶ Okureeba Enyima: Noobaasa kugarukamu? (1) Ow’eishe-emwe na munyaanyaziitwe bakaba nibakora mirimo ki kandi ahabw’enki? (2) Bakaba baahikire hi omu mirimo yaabo? (3) N’enki ekyareetaire buri omwe aharibo kuhindura ebigyendererwa bye? (2 Kor. 5:15) (4) Ni mirimo ki ekwatiraine n’eby’omwoyo ei baatandikire kukora omu mwanya gw’ei baabaire nibakora kandi ahabw’enki baareebire ngu ti barikubaasa kukora yombi? (5) Baine eki barikwefuuza ahabw’okuhindura ebigyendererwa byabo? (6) N’enki omu bi baagambire ekikureetaire na munonga kuteekateeka aha ku oshemereire kukoresa amagara gaawe?

⁷ Abandi Abarikubuuzibwa: Omu kubuuzibwa okwo n’enki eki oyegire ekirikubaasa kukuhwera kwongyera amaani omu kukora omurimo gwa Yehova? (1) “Omugasho Oguri omu Kweshomesa Baibuli” (2) “Okubuurira omu Miringo Endiijo” (3) “Okuheereza omu Beseeli” (4) “Eishomero rya Gilead erya Abamiishani” (5) “Ishomero ry’Abaheereza n’Abareeberezi.” Raba omu biri ahansi y’omutwe “Ebyongyeirweho Ebirikukwata aha Nshonga Eziine Akakwate” kandi yeyongyere kushoma aha biraakire kukushemeza.

⁸ Waacwiremu eki oraakorese amagara gaawe? Paulo akehanangiriza Timoseo ati: “Ebyo obyezirikire obe nibyo waataho omutima boona bareebe oku orikweyongyera kugyenda omu maisho.” (1 Tim. 4:15) Nitubahiga kukora nikyo kimwe aha bikwatiraine n’ebi mwareeba kandi mukahurira ahari DVD egi. Shaba Yehova akuhwere kucwamu omu muringo ogw’oburyo oguraakureetere okushemererwa n’okumarwa hati otaireho n’ebiro by’omu maisho ebirungi.

[Akabokisi aha rupapura 6]

MAIN MENU

Play Drama

Scenes (11 selections)

Interviews

Play All

Sections (3 selections)

Looking Back

Supplementary Material

Supplementary Interviews

Index to Published Information on Related Subjects

Subtitles

Hearing Impaired

None

To navigate around the menus use the Next ▶, ◀ Back, and Main Menu buttons.