Kampeyini y’Okweta Abantu Kwija aha Kiijutsyo Okutandika Maaci 22

Omwaka ogu kampeyini y’okweta abantu kwija aha Kiijutsyo neija kutandika Maaci 22, Orwamukaaga. Twena nituhigwa kugyejumbamu. Mwaba nimugaba obupapura obwo omu wiikenda nimubaasa kubugaba na magaziini kyaba nikibaasika. Orwamukaaga orurikubanza omuri Apuri, nitwija kuta omutima aha kugaba obupapura bw’okweta abantu kwija aha kiijutsyo omu mwanya gw’okutandika kwegyesa abantu Baibuli. Kwonka, twashangayo orikwenda kumanya ebirikukiraho, nitubaasa kutandika kumwegyesa Baibuli. Omureeberezi orikukora aha by’obuheereza naabaasa kucwamu yaaba okugaba obupapura bw’okweta abantu omu myanya erikuba erimu abantu baingi kirikwija kuhwera ekibiina kuhika abantu baingi omu kicweka eki murikubuuriramu. Handiika amaziina g’abanyabuzaare, abu orikukora nabo, abu orikushoma nabo hamwe n’abarikwenda kumanya ebirikukiraho kwija aha kiijutsyo. Handiika abo abu orikwenda kweta kandi obete kampeyini ku eraatandiikye. Twine amatsiko ngu baingi nibaija kutwegaitaho aha kiijutsyo twaba nitwijuka ebintu bibiri bikuru ebirikworeka rukundo.​—Yoh. 3:16; 15:13.