Okwongyera Kubuurira Gye​—Okuhika Abantu aha Mutima Orikukoresa Akatabo “Mwerindire omu Kukunda kwa Ruhanga”

ENSHONGA AHABW’ENKI NI KIKURU: Abantu baine kwega emitindo ya Yehova kandi bakagigyenderaho kubaasa kumuramya nk’oku arikwenda. (Isa 2:3, 4) Akatabo “Mwerindire omu Kukunda kwa Ruhanga,” nikahwera abeegi ba Baibuli kumanya oku emisingye ya Baibuli erikukwata aha bi turikukora. (Heb 5:14) Twine kuteeraho kuhika abantu aha mutima twaba nitubeegyesa, kugira ngu tubahigye kukora empindahinduka.​—Rom 6:17.

OKU TURIKUBAASA KUKIKORA:

• Tebeekanisa gye, orikuteekateeka aha byetengo by’omwegi waawe. Tebeekanisa ebibuuzo ebiraakuhwere kumanya enyehurira ze n’eki arikuteekateeka aha bi orikwega.​—Enf 20:5; be-E 259

• Koresa obubokisi oburi omu katabo aka kuhwera omwegi kureeba obukuru bw’okugyendera aha misingye ya Baibuli

• Hikaanisa ebiteekateeko n’omwegi waawe aha nshonga ezi aine kucwamu arikwihirira aha muntu we w’omunda, kwonka otamucweramu.​—Gal 6:5

• Omu muringo gw’obwengye manya yaaba omwegi waawe naayetenga obuhwezi kugyendera aha misingye ya Baibuli emwe. Muhigye n’embabazi kukora empindahinduka ahabw’okukunda Yehova.​—Enf 27:11; Yoh 14:31