Kampeyini y’Omutaano y’Okurangirira Obukama bwa Ruhanga Omuri Novemba

Yesu akabuurira amakuru marungi g’Obukama. (Luk 4:43) Kandi akeegyesa abantu kushaba ngu Obukama obwo bwije. (Mat 6:9, 10) Omuri Novemba, nituza kuteeraho omu muringo gw’omutaano kurangirira Obukama bwa Ruhanga. (Mat 24:14) Tebeekanisa kwejumbira kimwe omu kampeyini egi. Boona abaraabe baapayoniya abahwezi omu kwezi okwo nibaza kuhayo eshaaha 30 nari 50.

Teeraho kushomera abantu baingi omu kicweka kyanyu kimwe aha byahandiikirwe ebirikukwata aha Bukama bwa Ruhanga. Waaba nootoorana ekyahandiikirwe, teekateeka aha diini y’abarakuhurikize. Aha murundi gw’okubanza omuntu yaayoreka okusiima, muhe Omunaara gw’Omurinzi ogw’okugaba omu kubuurira Na. 2 2020. Reero oraahukye kugarukayo, kandi oteereho kutandika kumwegyesa Baibuli orikukoresa kimwe aha biri omu by’Okukoresa omu Kwegyesa. Hatsigaireyo obwire bukye Obukama bwa Ruhanga bukacwekyereza gavumenti zoona ezirikubuhakanisa. (Dan 2:44; 1Kor 15:24, 25) N’ahabw’ekyo, ka tukorese omugisha ogu kworeka ngu nitushagika Yehova n’Obukama bwe!