Buurira Amakuru Marungi ngu Ensi Ensya eri Haihi!

Omu Kwaikumi-na-kumwe, nituza kuteeraho munonga kubuurira amakuru marungi ngu ensi ensya eri haihi. (Zab 37:10, 11; Kush 21:3-5) Teeraho kwetebeekanisa kugira ngu obaase kwejumbira kimwe omu kampeyini egyo. Waijuza foomu kuheereza nka payoniya omuhwezi omu kwezi okwo, noobaasa kucwamu kuhayo eshaaha 30 nari 50.

Yetebeekanise kushomera abantu baingi ebyahandiikirwe ebirikukwata aha nsi ensya. Waaba nootoorana ekyahandiikirwe eki oraakorese, teekateeka aha kirikubaasa kushemeza abantu omu kicweka kyanyu. Waabuurira omuntu ogw’okubanza akooreka ngu naayenda kumanya ebirikukiraho, muhe Omunaara gw’Omurinzi Na. 2 2021. Reero, teeraho kumugarukira ahonaaho kandi otandikye kumwegyesa Baibuli orikukoresa akatabo Yesiimire Amagara Ebiro Byona! Ka nitwija kutunga okushemererwa twayejumbira kimwe omu kubuurira “amakuru marungi g’ebigambo birungi”! —Isa 52:7.

MUREEBE VIDIYO Y’EKYESHONGORO EKIHIMBIRWE ENSI ENSYA ERIKWIJA, REERO MUGARUKYEMU EBIBUUZO EBI:

• Omwishiki muto naateekateeka aha birungi ki eby’omu biro by’omumaisho?

• Ni bintu ki ebi oyiniire ekihika omu nsi ensya?

• Okuteekateeka aha matsiko gaawe nikibaasa kukuhwera kita kwetebeekanisa kwejumbira kimwe omu kampeyini ey’Okwaikumi-na-kumwe?—Luk 6:45