Abajurizi ba Yehova​—Batebeekanisiibwe Kubuurira Amakuru Marungi

Okumara emyaka erikurenga omuri 100, Abajurizi ba Yehova batwire batebeekanisiibwe kubuurira amakuru marungi. Omu kubuurira oku okukizireyo kumanywa omu nsi, nitugamba aha makuru aga omu ndimi nyingi n’omu mahanga agarikurenga 230. (Mat. 24:14) Ahabw’enki omurimo ogu nigwetengyesa? Nigukorwa guta omu nsi yoona? Vidiyo erikwetwa Jehovah’s Witnesses—Organized to Share the Good News neegarukamu ebibuuzo ebi erikushoboorora omu bwijwire aha bikwatiraine n’omurimo gwaitu ogurikukorwa omu nsi yoona. Waaheza kureeba vidiyo egyo, garukamu ebibuuzo ebi ahaifo.

Vidiyo egi ekuhwereire eta kwongyera kwetegyereza n’okusiima (1) okuteeraho kw’ekibiina kya Yehova omu kubuurira amakuru marungi? (2 Tim. 4:2) (2) Zaabeseeli omu nsi yoona? (3) okutendekwa okurikuheebwa abamiisani n’abareeberezi? (2 Tim. 2:2) (4) obukuru bw’okutandika eizooba orikushoma Ekyahandiikirwe n’okutebeekanisiza enteerane buri saabiiti? (Byak. 17:11) (5) emigasho erikuruga omu kuza omu nteerane z’Ekikristaayo? (Heb. 10:24, 25) (6) emigisha ei oraatungye ensi ku eraabe Paradiso? (Isa. 11:9) (7) omugisha ogu oine ogw’okwejumba omu murimo gw’eigyesha ogurikugyenda omu maisho?—Yoh. 4:35.

Vidiyo egi ekozire kihango omu kuhwera abarikwenda kumanya amazima kwetegyereza gye omurimo ogurikukorwa Abajurizi ba Yehova omu nsi yoona. (8) Ni ryari obu kirikubaasa kuba kirungi kworeka vidiyo egi abeegi baitu ba Baibuli, abanyabuzaare n’abandi? (9) Ni birungi ki ebyarugiremu ku waabaire noogyoreka abantu?

Twateekateeka aha bi Yehova arikukora nikituhiga kwikirizana n’ebigambo by’omuhandiiki wa Zaaburi ebi: “Ai MUKAMA Ruhanga wangye, eby’okutangaaza, ebi waakozire, n’ebiteekateeko ebi otuteekateekaho ka ni bingi! Tihariho orikwingana naiwe.” (Zab. 40:5) Ka tukorese gye vidiyo egi kuhwera abandi kwetegyereza gye Yehova n’ekibiina kye!