Okwikiriza kw’Abajurizi ba Yehova—Ekicweka 2: Okujwisa Omushana
Abeegi ba Baibuli bakagira bingi by’okukora bwanyima y’okurekurwa kw’ow’eishe-emwe Rutherford na bagyenzi be omuri 1919. Nk’oku kirikworekwa omu vidiyo Jehovah’s Witnesses—Faith in Action, Part 2: Let the Light Shine, abantu baingi bakaahiiganiise abeegi ba Baibuli, oku barikwetegyereza Ebyahandiikirwe kukaayeyongyeire, kandi ebi barikwikiriza bikaayeyongyeire kushemezibwamu. (Enf. 4:18; Mal. 3:1-3; Yoh. 15:20) Waaheza kureeba vidiyo egi, noobaasa kugarukamu ebibuuzo ebi:
(1) Abeegi ba Baibuli bakaba nibakoresa miringo ki omu kujanjaaza amakuru marungi? (2) Niki ekyabaireho aha nteerane z’omutaano ezaabaireho omuri 1931 na 1935? (3) Ni nshonga ki enkuru eyaagambirweho muri Watchtower eya Novemba 1, 1939? (4) Gamba ekyabaire ahari Madison Square Garden obu ow’eishe-emwe Rutherford yaaha orubazo, “Obutegyeki Hamwe n’Obusingye.” (5) Niki ekyabaire nikishemeza munonga omu rubazo rw’ow’eishe-emwe Knorr, “Mbwenu shi Obusingye Nibubaasa Kugumaho?” (6) Omuri 1942, Abajurizi ba Yehova bakakora ntebeekanisa ki kubaasa kuhangutsya omurimo gwabo gw’okubuurira? (7) Gamba emanja ezimwe ezi abeegi ba Baibuli baasingwire omuri United States, Canada, na Greece. (8) Eishomero rya Gileadi rihweraire rita omu murimo gw’okubuurira? (9) Ni murimo ki omukuru ogwatandikire omuri 1946, kandi n’ahabw’enki? (10) Abajurizi ba Yehova bakakora ki kuhamya ngu emitwarize yaabo neehikaana n’emitindo ya Baibuli? (11) Gamba empindahinduka ezaakozirwe omu myaka ya 1970 kuhamya ngu ekibiina kyakuratira gye ebiri omu Baibuli. (12) Vidiyo egi ekuhwereire eta kwongyera kwetegyereza gye ngu Yehova niwe arikwebembera ekibiina kye? (13) Vidiyo egi ekuhwereire eta kugumizamu omaririire orikubuurira n’obumanzi n’obu waakuba nohiiganisibwa? (14) Nitubaasa kukoresa tuta vidiyo egi kuhwera abanyabuzaare, abeegi ba Baibuli n’abandi?
Buri izooba nihabaho ebintu bisya omu byafaayo by’obuheereza bw’Abajurizi ba Yehova. Okuteeraho kwaitu omu kubuurira, nikwija kwongyera kihango aha byafaayo ebyo. Nk’oku ab’eishe-emwe bagyenzi baitu aba ira baakozire, ka tuteereho kugumizamu n’obweziriki ‘turikujwisa omushana’!—2 Kor. 4:6.