Okakozire ki iwe?
50 Noyenda kuttura omu paradaizi egyo ebiro byona?
Ekikuru yeyongyere okwega ebindi ebi Ruhanga arikugamba. Gyezaho okwega okushoma Baibuli. —Yohaana 17:3; Okushuuruurirwa 1:3
51 Yega ebirikukiraho ebirikukwata ahari Yesu.—Eky’Ebiragiro 18:18, 19; Yohaana 3:16; Ebyakozirwe 3:19-23
52 Gyezaho okukora ebintu ebirungi byonka kandi oyorobere Yehova. —Abarooma 6:17, 18, 22
53 Oijukye, Yehova akagira ngu otariita abantu. —Okuruga 20:13; 1 Yohaana 3:11, 12
54 Nahabwekyo titushemeraire kutwara ebintu abitari byaitu. —Okuruga 20:15; Abaefeso 4:28
55 Omushaija tashemeraire kubyama ninga kurara n’omukazi okwihaho omukazi we owempeta. —Okuruga 20:14, 17; 1 Abatesalonika 4:3
56 Noijuka nabakazi bangahi Ruhanga abarukwikiriza omushaija kuba nabo? Nimwanya ki ogw’omushaija yakushemeraire kuguma n’omukaziwe? —Okutandika 2:22, 24; Matayo 19:5, 6; 1 Abakorinso 7:2, 10, 11
57 Oijukye, ngu twine okuramya Yehova wenka. —Matayo 4:10; 1 Abakorinso 8:6
58 Ebishushani tibirikubaasa kutuyamba. Ahabwaki?—1 Abakorinso 8:4
Kikabaire kirungi okuba n’ebishushani? —Eky’Ebiragiro 27:15; 1 Yohaana 5:21
59 Ahabwaki ni kibi okuba n’ebyoburogo ninga okukozesa eby’obufumu —Eky’Ebiragiro 18:10-13; Okushuuruurirwa 21:8
60 Bamaraika ababi ninga badaimoni bakajemera Ruhanga. Nibakozesa abaraguzi okubuzabuza abantu. —Ebyakozirwe 16:16
61 Twine okushaba Ruhanga. Ogu nigwo mulingo gwokugambiramu na Ruhanga, tumugambire ntu nitwenda okumuhereza kandi tumushabe obuyambi. —Abafilipi 4:6, 7
62 Twine okworobera Yesu kandi tumwikirize.—Abaheburaayo 5:9; Yohaana 3:16
63 Oijukye ngu akaatufeera ahabwokutujuna. —Abarooma 5:8
64 Oijukye ngu Yesu nuwe Omugabe waitu otarikureebwa maisho. Twine okumworobera. —Abafilipi 2:9-11; Okushuuruurerwa 19:16
65 Yesu akagira ngu ogambire abandi ahabintu ebirungi ebyorukwega kandi naabo abarikwenda kuhereza Ruhanga nibateekwa kubatizibwa. —Matayo 28:19, 20; Yohaana 4:7-15
66 Kare nobaasa kugamba na bagyenzi baawe ahabintu ebi ebirungi. —Matayo 10:32
67 Kworayege okushoma kurungi. noija kwega ebintu bingi ebindi kandi nobaasa kuyamba abandi okukiraho. —2 Timoseo 2:15
68 Yesu akegyesa n’abaana bato okworobera Ruhanga. Akaba atabaasa kuburwa mwanya gwokugamba nabo.—Matayo 19:13-15
69 Abazaire burimwanya baine okwegyesa abaana baabo okworobera Ruhanga hamwe n’okumukunda. —Eky’Ebiragiro 6:6, 7; Enfumu 6:20-22; Abaefeso 6:4
70 Hariho amakanisa maingi agatari gamwe. Okwegyesa kw’amakanisa aga kwingi tikurikuruga mu Baiburi. Yehova natugambira ngu turugye omu amadiini goona aga tarikwegyesa mazima. —Okushuuruurirwa 18:4; Yohaana 4:23, 24
71 Yehova aine abantu omunsi abarikubaasa kukwegyesa ebirikumukwataho. Nobamanya abantu abo? —Ebyakozirwe 15:14; Abarooma 10:14, 15
72 Aba nibetwa Abajurizi ba Yehova ninga baakareebi bokuhamya ebye. Baine obusingye omuribo. Nomanya nahabwaki? Ahabwokuba nibakundana. —Isaaya 43:10-12; Yohaana 13:34, 35
73 Ahabwokuba kandi ni bakunda Yehova, n’okwehayo nibehayo babatizibwa. Ogu nigwo muringo ogubarikweyoreka ahabantu boona ngu barekire emihanda mibi kandi ngu nibenda kumara obwire bwabo nibahereeza Ruhanga. —Ebyakozirwe 2:41
74 Abajurizi ba Yehova baine amatsiko gokuhungura paradaizi nsya haza nungi.—Zaaburi 37:9-11, 29
Iwe nobaasa kukoraki okuhungurira ensi n’abaantu aba? —Yakobo 1:22, 25; 2:20-26
75 Kwatanisa nabo omukwega kuhereza Yehova. Nibakunda kandi borobera Yehova kandi na Kristo Yesu. Iwe nobakunda? Okayenzire kuyamba abandi okumanya ahabirikukwata ahari Ruhanga? —Yohaana 6:45-47
76 Yehova na Kristo Yesu nibakukunda kandi nibenda ogume omu paradaizi ebiro byona. —Yohaana 3:16
Ebiwaheza kwega obwo notekyereza ahabishushani hamwe nebyagambwaho omukatabo aka nituhamya byakureetera okwetenga okushemerererwa amagara omunsi ebiro n’ebiro. Kworaabe noyenda kwega ebirikukirah, tukakushabire ngu ogambe nomwe ah’Abajurizi ba Yehova ori haihi naiwe. Ningashi, handika, ninga tunga omuntu akuhandikire, ohandikire ofisi eri haihi nahorikurara, nkokukirikworekwa aharupapura namba ibiri omukatabo aka.