Shemererwa Amagara g’Eka

Amaka buzima nigabaasa kushemererwa?

Nikibaasika kita?

Nomanyaho amaka agakwataniise kandi agashemereirwe nk’ago agoori kureeba aha kapapura aka? Amaka buri hantu hoona gariyo nigabaganukira aha buteraniro. Okushenda, okuremwa okwerinda kw’emirimo, emyaaga y’omwe aha bazaire, okuhakanisibwa—ebyo byoona nibyongyerera omuhondano. Omu nyabwengye aha by’amagara g’amaka akatonzya ati: “Obwahati ebiri kukwata aha by’okubaganuka kw’omu maka nibimanywa buri omwe.”

Ahabw’enki amaka obwiire obu gashenyirwe oburemeezi bw’amaani butyo? Tukaabaasa tuta kushemerererwa amagara g’eka?

Oku Eka Yatandikire

Okugarukamu ebibuuzo ebi, nitwetenga kumanya obukomooko bw’obushweere hamwe n’eka. Byo ku byakuba byagizire Kibitandika— Omuhangi—ab’eka bashemereire kumutaho amaisho ahabw’obuhabuzi, nk’oku we buzima ashemereire kumanyira kimwe gye oku twakubaasa kushemerererwa amagara g’eka omu bwijwiire.

Eky’okushetsya, baingi baikiriza ngu entebeekanisa y’eka teragizire Kigitandika. The Encyclopedia Americana nikigira ngu: “Bamwe aha beegi bahabiire aha kusheruriza entandikiriro y’obushweere bari kwiihirira aha ntebeekanisa y’enyamaishwa oku zigyenda ibiri-ibiri okuri ahansi y’omuntu.” Haza Yesu Kristo akagamba aha mpangwa y’omushaija n’omukazi. Akajuriza ekiragiro ky’omu Baiburi ekya ira ati: “Eki Ruhanga yaateeraine hamwe omuntu atari kitaanisa tashemereire kukitaanisa.”—Matayo 19:4-6.

Nahabwekyo Yesu Kristo ahikire. Ruhanga ow’obwengye akahanga abantu b’okubanza kandi yatebeekanisa eby’okushemererwa kw’amagara g’eka. Ruhanga akata hamwe abagore b’okubanza omu bushweere kandi yagira ati omushaija “naragirwa okuguma n’omukazi we bakaba omubiri gumwe.” (Okutandika 2:22-24) Nikibaasa kuba ngu oburemeezi bw’eka omu bwiire obu, bwizireho ahabw’okugyenda n’emiringo y’amagara eri kwihaho emituurire eyatairweho Omuhangi omu Kigambo kye Baiburi?

Ni Muhanda ki Kuhika aha Businguzi?

Nko ku ori kuhamya hatariho kubangaanisa, ensi eya hati neshemba buri omwe kweshemeza hamwe n’okwemariirira. “Omururu nikwo kugomoka,” owashomire aha by’empiiha nikwo yagambiire atyo ekibiina eky’ababaaire nibaheza omu itendekyero rimwe omu Amerika. “Nobaasa kuba ow’omururu kandi hoona ogume nohurira weena ori gye.” Kwonka okwitanira eby’amatungo, tigwo muhanda gw’okuhika aha businguzi. Okwemarira aha by’amutungo omu buryo, ni kimwe aha bazigu abakuru b’amagara g’eka aha bwokuba nikiza omu muhanda gw’emikago y’obuntu kandi abantu nikibahezaho obwiire n’empiiha. Okukyooreka gye yetegyeereze oku enfumu ibiri za Baiburi ziri kutuhweera kureeba nihetengwa ki okushemererwa.

“Okurya obunyaata okurimu okukundana nikukira okurya ente y’ebishaju okurimu okwangana.”

“Akokurya k’obunyaata, kwonka karimu obusingye, nikakira eka eijwiire eby’okurya by’obugyenyi kwonka erimu entongane.”

Enfumu 15:17; 17:1.

Nez’amaani tikwo? Mbwenu teekateeka oku ensi yakubaire ey’omutaano kuri buri ka yahamiire aha buhabuzi bwa ira obu! Baiburi nabwo netuheereza obuhabuzi bw’omugasho oku ab’omuka bashemereire kutwarizana. Yetegyeereze bikye aha by’okugyenderaho ebi eri kutuheereza.

Abashaija: ‘Kunda omukazi waawe, nk’omubiri gwaawe.’—Abaefeso 5:28-30.

Kyoorobi kwonka nikikorera kimwe! Baiburi hoona eragiira omushaija kuheereza ‘omukazi we ekitiinisa.’ (1 Petero 3:7) Eki naakikora omu ku muteeraho kimwe omutima, obariiremu okukunda, okwetegyeereza nokumuhamisiriza. Kandi hoona aikirize ebiteekateeko bye kandi amuhurikize. (Gyeranisa Okutandika 21:12.) Tori kwikiriza ngu eka eya buri muringo neija kugasirwa, omushaija yatwariza omukazi we n’obujunanizibwa nk’oku we wenka yakwenzire kutwazibwamu?—Matayo 7: 12.

Abakazi: ‘Tiina baro.’—Abaefeso 5:33.

Omukazi nayongyerera aha kushemererwa kw’eka yaaba nahweera iba kuhikiiriza obujunanizibwa bwe obugumire. Eki nikyo kyagyendereirwe Ruhanga kutaho omukazi kuba ‘omuhweezi w’omushaija amushemereire.’ (Okutandika 2:18) Nobaasa kwaakiira omugisha gw’amagara g’eka, ku omukazi yakwooreka iba okumutiina obwo ari kushemba ebiteekateeko bye hamwe n’okukorera hamwe nawe omu kuhikiiriza ebigyendererwa by’eka?

Abashwereine: “Abashaija n’abakazi bashemereire kwesigana.”—Abaheburaayo 13:4, “Today’s English Version.”

Baaba batyo amagara g’eka nigaba gye. Obushambani butoosha bushenya eka. (Enfumu 6:27-29, 32) Nahabwekyo Baiburi ehabura n’obwengye eti: “Oshemerererwe omukazi ow’omu butsigazi bwawe . . . Ahabwenki oshemezibwa omukazi enshambani?”—Enfumu 5:18-20.

Abazaire: ‘Manyiiza abaana banyu omuhanda ogu bashemereire kutoora.’—Enfumu 22:6.

Abazaire ku baakuhayo obwiire n’okuta omutima aha baana baabo, obwo amagara g’eka ni geyongyera kushemera. Etyo Baiburi ehabura abazaire kweegyesa abaana baabo ebintu ebihikire ‘baaba bashutami omu maka gaabo, nibagyenda omu muhanda, nibaza kubyama kandi nibaimuka.’ (Eky’Ebiragiro 11:19) Baiburi egaruka egira ngu abazaire boorekye ku bari kukunda abaana baabo kuraba omu kubahana.—Abaefeso 6:4.

Abaana: “Abaana, mworobere abazaire baanyu omuri Mukama.”—Abaefeso 6:1.

Namazima omu nsi egi etari kukuratira biragiro, butoosha tikyoorobi kworobera abazaire baawe. Kwonka tori kwikiriza ku kiri eky’obwengye kukora ebi Owatandikire eka ari kutugambira? Namanya ekiri kukira kureetera amagara g’eka kushemererwa munonga. Nahabwekyo gyezaho n’amaani kworobera abazaire baawe. Mariirira kwehara ebikyemo bingi by’ensi egi eby’okukora kubi.—Enfumu 1:10-19.

Omu bwijwire buri omwe omuka yagyendera aha kuhabura kwa Baiburi, amagara g’eka nigaija kushemera. T’ekyo kyonka, eka kushemerererwa amagara marungi hati, baitu neija kuba eine n’amatsiko g’okutangaaza kuza omu nsi ensya eyaraganisiibwe Ruhanga. (2 Petero 3:13; Okushuuruurirwa 21:3, 4) Nahabwekyo guhindure omucwe gw’eka kweegyera hamwe Baiburi! Amaka maingi omu nsi yoona gashangire obuhabuzi oburi kushangwa omu kitabo The Secret of Family Happiness kuba buzima obw’omugasho.

Okwihaho kyayorekwa omu muringo ogundi, Ebyahandiikirwe byoona nibiihwa omu Baiburi ey’Orunyankore eya 1964.