Banywani ba Ruhanga ni Baahi?

Yesu Kristo n’Omwana wa Yehova kandi ni munywani we ow’ahamara. Atakatwire nk’omuntu omu nsi, Yesu akaba atwiire omu iguru nk’ekihangwa ky’amaani eky’omwoyo. (Yohaana 17:5) Bwanyima yaija omu nsi kweegyesa abantu amazima agakwatsire ahari Ruhanga. (Yohaana 18:37) Kandi hoona akahayo amagara ge g’obuntu kujuna abacureezi okuruga omu kibi n’okufa. (Abarooma 6:23) Yesu obwahati n’Omugabe w’Obukama bwa Ruhanga, gavumenti ey’omu iguru eriija kureeta Ekibanja kya Ruhanga omu nsi.—Okushuuruurwa 19:16.

Bamarika nabo ni banywani ba Ruhanga. Amagara gabo tigaratandikiire mu nsi nk’abantu. Bakahangirwa omu iguru Ruhanga atakahangire ensi. (Yobu 38:4-7) Hariyo obukaikuru n’obukaikuru bwa bamarika. (Danieli 7:10) Banywani ba Ruhanga aba ab’omu iguru nibendeza abantu kweega amazima agari kukwaata ahaari Yehova.—Okushuuruurwa 14:6, 7.

Ruhanga kandi aine banywani be omu nsi; naabeta abajurizi be. Omujurizi omu iramuriro agamba ebi ari kumanya aha muntu nari aha kintu. Abajurizi ba Yehova nibagambira abandi ebi bari kumanya ebiri kukwaata ahari Yehova, n’ekigyendererwa kye. (Isaaya 43:10) Okushushanaho na ba maraika, Abajurizi nibenda bakuhweere oyegye amazima agari kukwaata ahari Yehova. Nibenda naiwe obe munywani wa Ruhanga.