Ebirikwanjura Ekicweka 10

Yehova naategyeka byona. Atwire naategyeka, kandi naija kuguma naategyeka. Nk’eky’okureeberaho, akakiza Yeremia kuruga omu kiina. Akacungura Seduraaka, Mesaaki, na Abedeneego kuruga omu kikoomi ky’omuriro kandi yaagaruka yaajuna Danieli omu kiina ky’entare. Yehova akarinda Esteeri kugira ngu abaase kujuna ihanga rye ryona. Tarikwija kwikiriza ebintu bibi kugumizamu nibibaho. Obunabi oburikukwata aha kishushani kihango n’omuti muhango nibuhamya ngu Obukama bwa Yehova buri haihi kwihaho obubi bwona reero bukategyeka ensi yoona.