Okutahanika

Omusingye: “Tibararekire kwegyesa bya Yesu n’okubuurira abantu [amakuru marungi].”—Byak. 5:42.

Eki Paulo Yaakozire

Entumwa Paulo naayegyesa abantu amakuru marungi omu kibiina ky’eishomero.

VIDIYO: Paulo Okutahanika Omuri Efeso

1. Reeba VIDIYO, nari shoma Ebyakozirwe 19:8-10. Bwanyima oyetegyereze ebibuuzo ebirikukurataho:

Paulo omu mwanya gw’okuhanika obu bamwe baamuhakanisa, akagumizamu ata naahwera abaayorekire okusiima?
Abaayorekire okusiima, Paulo akabagarukira kangaahi, kandi akakikora kumara bwire ki?

Nitwegyera ki Ahari Paulo?

2. Twine kukoresa gye obwire bwaitu n’amaani gaitu kugarukira abantu n’okutandika kubeegyesa Baibuli.

Tooreza Paulo

3. Ba oyeteekateekire kutaayaayira omuntu obu aine obwire. Yebuuze oti: ‘Ni bwire ki burungi obu ndikubaasa kuzayo kumureeba? Ni ryari obu arikubaasa kuba aine obwire bw’okugaaniira, kandi mu mwanya ki?’ Ba oyeteekateekire kugarukayo, n’obu obwire burikubaasa kuba butari burungi ahariiwe.

4. Kora entebeekanisa n’omuntu. Buri kuheza kugaaniira n’omuntu, mubuuze obwire bwenyini obu orikubaasa kugarukayo. Teeraho kuhamira aha ntebeekanisa egyo.

5. Guma oine amatsiko. Otarahuka kuteekateeka ngu omuntu ou otarikukira kushangayo, nari orikukora munonga, tarikukunda mazima. (1 Kor. 13:4, 7) Kureka, ringaaniza okutahanika n’okukoresa gye obwire.—1 Kor. 9:26.

REEBA NA

Byak. 10:42; 1 Kor. 9:22, 23; 2 Kor. 4:1; Gal. 6:9