Obumanzi

Eki Yesu Yaakozire

VIDIYO: Yesu Okuhana Omutegyeki Muto Omugaiga

1. Reeba VIDIYO, nari shoma Mako 10:17-22. Bwanyima oyetegyereze ebibuuzo ebirikukurataho:

1. Ni mitwarize ki emirungi ei Yesu arikubaasa kuba yaareebire omu mutegyeki muto?

2. Ahabw’enki Yesu yaabaire aine kugira rukundo n’obumanzi kubaasa kuhana omushaija ogwo?

Nitwegyera ki Ahari Yesu?

2. Twine kugambira abeegi omu muringo gwa rukundo kwonka ogwa butunu, kubahwera kutunguuka omu by’omwoyo.

Tooreza Yesu

3. Hwera omwegi kutaho ebigyendererwa n’okubihikaho.

1. Koresa “Ekigyendererwa” ekiri omu buri ishomo omu kitabo Yesiimire Amagara Ebiro Byona!

2. Hwera omwegi kumanya eki aine kukora kubaasa kuhika aha bigyendererwa eby’obwire bugufu n’eby’obwire buraingwa.

3. Guma noosiima omwegi ahabw’okutunguuka.

4. Manya ebirikuremesa omwegi kutunguuka, kandi omuhwere kubisingura.

1. Yebuuze oti:

   • ‘Ou ndikwegyesa ku araabe atarikutunguuka kuhika aha kubatizibwa, niki ekirikumuremesa?’

   • ‘Nimbaasa kumuhwera nta?’

2. Shaba obumanzi bw’okugaaniira n’omwegi omu muringo gwa butunu kandi ogwa rukundo.

5. Rekyera aho kwegyesa abatarikutunguuka.

1. Manya yaaba omwegi wa Baibuli naatunguuka orikwebuuza oti:

   • ‘Naagyendera aha bi arikwega?’

   • ‘Naaza omu nteerane z’ekibiina, kandi abuurira abandi amazima?’

   • ‘Bwanyima y’okumwegyesa kumara obwire, naayenda kuba omwe aha Bajurizi ba Yehova?’

2. Omwegi wa Baibuli yaaba atarikwenda kutunguuka:

   • Mubuuze ekirikubaasa kuba nikimuremesa.

   • Omu muringo gw’obwengye mushoboororere ahabw’enki oine kurekyera aho kumwegyesa.

   • Mumanyise empinduka ezi aine kukora otakagarukiremu kumwegyesa.