Ebi Twakubaasa Kugamba Turikugaba Zaamagaziini

The Watchtower Agu. 15

“Ninshaba ogambire eki orikuteekateeka aha runyiriri oru. [Shoma Abaheburaayo 3:4.] Noikiriza ngu hariho omunyabwengye Owaahangire byona ebiri omu nsi n’omu iguru? [Muhe akaanya agarukyemu.] Magaziini egi neeteeraho kworeka yaaba okwikiririza omu Muhangi nikwikirizana na sayansi ehikire.”

Awake! Agu.

Waabugana omunyeeto, noobaasa kumugira oti: “Baingi ab’emyaka yaawe, okugambuurwa kubagwisize kubi. Ekyo iwe kyarakubaireho? [Muhe akaanya agarukyemu.] Baibuli neeha obuhabuzi burungi oburikubaasa kutuhwera twagambuurwa. Kandi neeyoreka n’oku turikubaasa kwetantara orugambo.” Mworekye ebirikutandikira aha rupapura 12, kandi shoma kimwe aha byahandiikirwe ebirimu.

The Watchtower Sebut. 1

“Baingi nibateekateeka ngu ‘Endagaano Enkuru’ netumanyisa ebyabaireho eby’omugasho. Kwonka nibeebuuza yaaba obuhabuzi bwayo nibubaasa kutuhwera omu bunaku obu. Iwe ekyo nookiteekateekaho ki? [Muhe akaanya agarukyemu, reero omushomere Abarooma 15:4.] Magaziini egi neeyoreka oku ‘Endagaano Enkuru’ erikutuha obuhabuzi oburikubaasa kutugasira, n’amatsiko aga buzima aha biro by’omu maisho.”

Awake! Sebut.

“Nooteekateeka ngu Ruhanga niwe arikureeta ebihikiirizi? [Muhe akaanya agarukyemu, reero omushomere Eky’Ebiragiro 32:4.] Magaziini egi neeshoboorora enshonga ahabw’enki Ruhanga naareka ebihikiirizi kubaho. Neegamba n’aha ku waakurinda eka yaanyu.”