Ebi Twakubaasa Kugamba Turikugaba Zaamagaziini

The Watchtower Nov. 15

“Twena nitwenda kugira amagara marungi, againe ekigyendererwa. Noikirizana n’eki Yesu yaagambire aha, ekirikubaasa kutureetera okushemererwa? [Shoma Matayo 5:3 reero otegyereze agarukyemu.] Magaziini egi neeshoboorora oku okuhikiiriza ekyetengo ky’okuramya Ruhanga eki twine kurikutureetera kugira ekigyendererwa omu magara.”

Awake! Nov.

“Omu busingye obwa sayansi kandi oburimu okubangaanisa, abantu baingi nibateekateeka ngu Baibuli tekiine mugasho. Iwe ekyo nookiteekateeho ki? [Tegyereza agarukyemu.] Oramanyire ngu buri kigambo ekiri omuri Baibuli ekirikukwata ahari sayansi kihikire? [Shoma Yobu 26:7.] Awake! egi ey’omutaano neetuha enshonga nungi ahabw’enki Baibuli neebaasa kwesigwa.”

The Watchtower Des. 1

“Okaagarukamu ota ekibuuzo eki? [Shoma ekibuuzo ekiri ahari magaziini, reero otegyereze agarukyemu.] Ruhanga aine ekigyendererwa ky’okureeta obumwe omu bantu. [Shoma Zaaburi 46:8, 9.] Magaziini egi neeyoreka eki Baibuli erikugamba aha ku abantu boona baraije kubaasa kugira obumwe.”

Awake! Des.

“Abantu abamwe nibateekateeka ngu okufa n’omuhanda gw’okuza omu magara agandi; abandi bo bagira ngu waafa niyo muheru yaawe. Iwe nooteekateeka ngu okufa n’ekintu eki omuntu ashemereire kutiina? [Tegyereza agarukyemu.] Yetegyereza oku Yobu yaabaire naateekateeka aha kufa kwe. [Shoma Yobu 14:14,15.] Magaziini egi neeyoreka oku Baibuli erikushoboorora gye yaaba omuntu naagumizamu kubaho bwanyima y’okufa.”