Ebi Twakubaasa Kugamba Turikugaba Zaamagaziini

The Watchtower Des. 15

“Omu biro bikuru, baingi nibateeraho kuba abanyambabazi n’okworeka esaasi. Nooteekateeka ngu ensi egi ekaabaire nungi abantu boona kuri nibaba abanyambabazi obwire bwona? [Tegyereza agarukyemu reero omushomere 1 Petero 3:8.] Magaziini egi neeshoboorora aha bukuru bw’okuba abanyambabazi kandi egamba n’aha miringo ei twakubaasa kworekamu embabazi.”

Awake! Des.

“Nooteekateeka ngu abakundwa baitu abafiire baryagaruka babe abahuriire? [Tegyereza agarukyemu.] Baibuli neegira ngu abantu nibabaasa kugira amatsiko g’okukira okufa. [Shoma Zaaburi 68:20.] Magaziini egi neeyoreka enshonga ahabw’enki tutashemereire kutiina okufa nka muheru y’amagara ebiro byona.”

The Watchtower Jen. 1

“Abantu baingi nibashaba ngu Obukama bwa Ruhanga bwije. Nk’eky’okureeberaho, yetegyereze eshaara egi erikumanywa munonga ei Yesu yaayegyeise abakuratsi be. [Shoma Matayo 6:9, 10.] Orayebuurize eki Obukama obu buri kandi n’obu buraija? [Tegyereza agarukyemu.] Magaziini egi neeyoreka eki Baibuli erikugamba aha nshonga egi.”

Awake! Jen.

“Okuruga ira, abakazi batwire nibatwazibwa kubi kandi nibatwarwa nk’ab’ahansi. Nooteekateeka ngu ahabw’enki ekyo kiri kityo? [Tegyereza agarukyemu.] Yetegyereze oku Baibuli erikuragiira abashaija kutwariza abakazi baabo. [Shoma 1 Petero 3:7.] Magaziini egi neeyoreka kuruga omu Baibuli oku Ruhanga na Kristo barikutwaramu abakazi.”