Ebi Twakubaasa Kugamba Turikugaba Zaamagaziini

The Watchtower Jen. 1

“Noikirizana n’ebi ebirikugambwa aha? [Shoma Yakobo 3:2.] Ebiri ahansi y’omutwe ogu nibituha obuhabuzi kuruga omuri Baibuli oburikubaasa kutuhwera kwetantara okugwisa kubi ab’omu maka gaitu n’ebigambo byaitu.” Mworekye ebiri ahansi y’omutwe ebirikutandikira aha rupapura 10.

Awake! Jen.

“Buri bushwere burimu oburemeezi. Nooteekateeka ngu abari omu bushwere nibabaasa kwiha nkahi obuhabuzi oburikwesigwa? [Tegyereza agarukyemu.] Yetegyereze obuhabuzi obu oburikukora. [Shoma Abaefeso 5:22, 25.] Ebiri ahansi y’omutwe ogu nibishoborora eki omukazi kworobera iba kirikumanyisa.” Mworekye ebiri ahansi y’omutwe ebirikutandikira aha rupapura 28.

The Watchtower Feb. 1

“Ahabw’oburemeezi bwona obu twine omu bunaku obu, nooteekateeka ngu nikibaasika kugira obugwa-gye? [Tegyereza agarukyemu.] Okwetegyereza amatsiko g’omu Baibuli aha biro by’omumaisho kihwereire baingi. [Shoma kimwe aha byahandiikirwe ebiri ahansi y’omutwe ogu oraacwemu kukoresa.] Magaziini egi neyoreka eki Baibuli erikugamba aha i twarugire, ekigyendererwa ky’amagara, n’aha biribaho omu biro by’omumaisho.”

Awake! Feb.

“Ahabw’okweyongyera kw’obubi, abantu baingi tibaine burinzi. Nooteekateeka ngu obubi nibwija kuhwaho? [Murekye agarukyemu.] Reeba obunabi bwa Baibuli oburikushemeza. [Shoma Zaaburi 37:10.] Magaziini egi neyoreka obukomooko bw’obubi hamwe n’oku Baibuli erikworeka oku burihwaho.”