Ebi Turikubaasa Kugamba Turikugaba Zaamagaziini

The Watchtower Apuri 1

“Abantu abamwe nibagira ngu ekiraatubeho Ruhanga akakitebeekanisa kare, kandi abandi bagira ngu niitwe turikwecweramu aha biro by’omumaisho. Iwe nokigambaho ki? [Tegyereza agarukyemu.] Yetegyereze ebigambo ebi. [Mushomere Omubuurizi 9:11.] Ebiri ahansi y’omutwe ogu nibyoreka oku Baibuli erikugarukamu ekibuuzo eki, ‘Ekiraatubeho kyona kikatebeekanisibwa kare?’” Mworekye ebiri aha rupapura 26.

Awake! Apuri

“Baingi abari omu bushwere nibagaitururwa ahabw’obushambani. Nooteekateeka ngu okugyendera aha kyahandiikirwe eki nikihwera obushwere kuhangaara? [Mushomere Matayo 5:28 reero otegyereze agarukyemu.] Ebiri ahansi y’omutwe ogu nibigamba aha ku Baibuli erikuhwera abari omu bushwere kwetantara kugwa omu bushambani.” Mworekye ebirikutandikira aha rupapura 28.

The Watchtower Mei 1

“Nooteekateeka ngu niki ekirikubaasa kureetera omuntu kugumirwa kugira okwikiriza omuri Ruhanga? [Tegyereza agarukyemu.] Kurugiirira aha kyahandiikirwe eki, okwikiriza ni kukuru. [Mushomere Abaheburaayo 11:6.] Magaziini egi neegamba aha bintu bina ebi turikubaasa kukora kuhamya okwikiriza kwaitu.”

Awake! Mei

“Obunaku obu, abantu baingi nibakoresa kubi emibazi eikiriziibwe abashaho. Nooteekateeka ngu n’ahabw’enki? [Tegyereza agarukyemu.] Baibuli neeyoreka enshonga nkuru na munonga erikureetera abaana kukoresa kubi emibazi egyo. [Mushomere Enfumu 13:20.] Magaziini egi neegamba aha ku orikubaasa kwerinda akabi aka hamwe n’ab’omu ka yaawe.”