Ebi Turikubaasa Kugamba Turikugaba Zaamagaziini

The Watchtower Gyuni 1

“Abantu baingi batakagizire eki baacwamu nibabanza kureeba ebishushani by’enyonyoozi ebiri aha biro ebi baazaareirweho. Nooteekateeka ngu enyonyoozi ziine oku zirikubaasa kutuhwera? [Tegyereza agarukyemu.] Ekirikutangaaza, Baibuli neegamba ah’igana ry’enyonyoozi eryabaire niriramibwa. [Shoma 2 Abagabe 23:5.] Ebiri ahansi y’omutwe ogu nibyoreka eki Baibuli erikugamba aha nshonga egyo.” Mworekye ebirikutandikira aha rupapura 18.

Awake! Gyuni

“Amakanisa butoosha nigaiha empiiha aha barikuza kubatizibwa, abarikuza kugaitwa, n’abafeereirwe. Nooteekateeka ngu ekyo kihikire? [Tegyereza agarukyemu.] Reeba obuhabuzi obu Yesu yaahaire abeegi be. [Shoma Matayo 10:7, 8b.] Ebiri ahansi y’omutwe ogu nibyoreka eki Baibuli erikugamba aha buheereza bw’ediini oburimu okushaba empiiha.” Mworekye ebirikutandikira aha rupapura 22.

The Watchtower Gyuraayi 1

“Ow’Obushoboorozi Bwona abantu baingi nibamweta Ruhanga kwonka. Oraakimanyire ngu Baibuli neetugambira eiziina rya Ruhanga? [Tegyereza agarukyemu, reero omushomere Zaaburi 83:18.] Magaziini egi neeshoboorora ahabw’enki eiziina rya Ruhanga riihirwe omu nvunuura za Baibuli ezimwe kandi n’eki kirikumanyisa okumanya eiziina rya Ruhanga.”

Awake! Gyuraayi

“Eby’entaasya ebiro ebi bireetaire abantu kwerarikirira munonga. Abo abatarikukora nibeerarikirira, kandi abo abarikukora nibatiina ngu nibaija kubingwa aha murimo. Nooteekateeka ngu obuhabuzi obu nibubaasa kutuhwera kugumisiriza? [Shoma Matayo 6:34, reero otegyereze agarukyemu.] Magaziini egi neeha obuhabuzi aha ku turikubaasa kukoresa gye empiiha zaitu n’oku turikubaasa kurinda gye ebiteekateeko byaitu.”