Omuri Okitoba Noija Kutandika Kwegyesa Omuntu Baibuli?

1. Nitwija kugaba ki omuri Okitoba?

¹ Omuri Okitoba nitwija kugaba zaamagaziini Watchtower na Awake! Okubaasa kugumizamu nituhwera abo abarikwenda kumanya ebirikukiraho, nituhigwa kubaha kaaturakiti Nooyenda Kumanya Amazima? reero tuteereho kutandika kubeegyesa Baibuli. Ekyo nitubaasa kukikora tuta twaba tugarukireyo?

2. Twaba tugarukireyo aha muntu owaikiriize zaamagaziini, nitubaasa kukoresa tuta kaaturakiti Manya Amazima kutandika kumwegyesa Baibuli?

² Oku Turikubaasa Kukoresa Kaaturakiti Aka: Nitubaasa kugira tuti: “Zaamagaziini ezi naakutsigiire nizihiga abantu b’embeera zoona n’ab’omu madiini goona kushwijuma ebiri omu Baibuli. [Ou orikubuurira muhe kaaturakiti Manya Amazima, reero omworekye ebibuuzo ebikariho.] Aha hariho ebibuuzo bimwe ebi Baibuli erikugarukamu omu muringo gurikushemeza. Ahari ebi haine eki oraaburizeho?” Ou orikubuurira yaaheza kukugarukamu, musherure hamwe eky’okugarukamu ky’ekibuuzo eki yaatoorana omu kaaturakiti ako, reero mushome kimwe aha byahandiikirwe ebiriho. Bwanyima omushoboororere ngu eki ni kimwe ahari ebyo ebi Baibuli erikwegyesa reero omuhe akatabo Eki Baibuli Erikwegyesa. Noobaasa kugaaniira nawe aha bucweka bw’okubanza obw’eshuura ei araatoorane aha ziri omu katabo ako. Nari noobaasa kucwamu kuza aha bucweka oburikwongyera kushoboorora aha bi mwagaaniiraho omu kaaturakiti. Ebi nibyo turikubaasa kukoresa:

● Ruhanga buzima naatufaho? (rup. 9-11, kacw. 6-10)

● Entaro n’okubonabona biryahwaho? (rup. 12, kacw. 12-13)

● Omuntu naagumizamu kuba ohuriire bwanyima y’okufa? (rup. 59-60, kacw. 7-8)

● Abaafiire baryagaruka kuba abahuriire? (rup. 71, kacw. 13-15)

● Nshemereire kushaba nta okubaasa kuhurirwa Ruhanga? (rup. 166-167, kacw. 5-8)

● Nimbaasa kutunga nta okushemererwa omu magara? (rup. 9, kacw. 4-5)

3. Nitubaasa kutandika tuta kwega Baibuli n’omuntu okurugiirira aha mbeera ze?

³ Kwonka, embeera zaaba zitarikutubaasisa kutandika kwegyesa omuntu Baibuli omu katabo Eki Baibuli Erikwegyesa aha murundi gw’okubanza kugarukayo, nitubaasa kukora entebeekanisa y’okuguma nitugaruka kugaaniira nawe. Kandi kurugiirira aha ku omuntu ogwo arikukunda ebi murikwega, noobaasa kucwamu kugaaniira nawe aha bibuuzo ebirengire ahari kimwe aha biri omu kaaturakiti ako emirundi mingi otakatandikire kwega nawe omu katabo. Ka tuteereho kukoresa gye kaaturakiti aka omuri Okitoba okutandika kwegyesa abantu Baibuli kandi tuhwere ab’emitima egororokire ‘kumanya amazima.’—Yoh. 8:31, 32.