Baibuli​—Ebyafaayo Ebihikire, Obunabi Oburikwesigwa

Ni buhame ki oburikworeka ngu Baibuli ehikire aha bikwatiraine n’ebyafaayo? Ni bunabi ki obw’omuri Baibuli obwahikiriziibwe oburikutureetera kuhamya ngu obunabi obw’omu biro by’omumaisho nabwo nibwija kuhikiirizibwa? Ebibuuzo ebyo nibigarukwamu omu vidiyo The Bible—Accurate History, Reliable Prophecy, ekicweka kya kashatu ekiri ahari DVD The Bible—A Book of Fact and Prophecy. Waaheza kureeba vidiyo egi, noobaasa kugarukamu ebibuuzo ebiri ahaifo?

(1) Oburugo bw’ebiri omu Baibuli ebirikwesigwa n’oha? (Dan. 2:28) (2) Baibuli neeshoboorora eta ahari Misri eya ira omu muringo oguhikire, kandi obunabi oburi omuri Isaaya 19:3, 4 bukahikiirizibwa buta? (3) Ebyazoirwe nibihamya bita ebi Baibuli erikugamba aha Basiria, abagabe baabo n’oku Asiria yaacwekyereziibwe? (Nah. 3:1, 7,  13) (4) Ni bunabi ki oburikukwata ahari Babulooni obwahikiriziibwe? (Yer. 20:4; 50:38; 51:30) (5) Ni bunabi ki obwahikiriziibwe obugabe bw’Abameedi n’Abaperesi? (Isa. 44:28) (6) Ebiri omuri Danieli 7:6 na 8:5, 8 ebirikukwata ahari Bugriika bikahikiirizibwa bita? (7) Ebiri omuri Danieli 7:7 bikahikiirizibwa bita obu Rooma yaatandika kutegyeka ensi yoona? (8) Bakaisaari abarikugambwaho omuri Baibuli ni baahi? (9) Niki ekyahikire aha Bakristaayo obu Nero yaabaire naategyeka? (10) Obunabi oburi omu Kushuuruurwa 13:11 na 17:10 bukahikiirizibwa buta? (11) Niki ekirikumanyisa omugabe wa munaana? (12) Niki ebiri omuri vidiyo egi ebirikworeka ngu ebiri omu Mubuurizi 8:9 bihikire? (13) Ni bunabi ki oburikukwata aha biro by’omumaisho obu otegyereize n’ekihika ngu buhikiirizibwe? (14) Noobaasa kukoresa ota vidiyo egi kuhwera abandi kuhamiza kimwe ngu Baibuli neeruga ahari Ruhanga?