Nitwija Kwega Akatabo Ekirikureeta Okushemererwa omu Ka

1. Ni katabo ki aku turikuza kwega omu Kwega Baibuli okw’Ekibiina kutandika na saabiiti erikutandika Maaci 14?

¹ Nikishemeza okumanya ngu okutandika na saabiiti erikutandika Maaci 14, 2011, nitwija kuba nitwega akatabo Ekirikureeta Okushemererwa omu Ka omu Kwega Baibuli okw’Ekibiina. Tihaine owaakwenzire kuburaho aha kwega okw’ekibiina okw’akatabo aka akaine obuhabuzi burungi oburikuruga omu Byahandiikirwe oburikukwata aha kushemererwa kw’eka. Entebeekanisa y’okwega akatabo aka neija kutubaasisa kushwijuma omu bwijwire buri kacweka n’Ebyahandiikirwe ebikarimu.

2. Buri saabiiti nitwija kuba nitwega ebirikwingana ki, kandi n’ahabw’enki?

² Eby’okwega buri saabiiti omu shuura z’akatabo aka nibiija kuba biri bikye. Ekyo nikiija kutubaasisa kutunga obwire burikumara kushoma kandi tukahikaanisa ebiteekateeko aha byahandiikirwe byona ebyorekirwe n’okwetegyereza gye oku ebyahandiikirwe ebijuriziibwe omu buri kacweka turikubaasa kubigyenderaho. Ekicweka kikuru ky’okwega omu katabo aka nikiija kuba okuhikaanisa ebiteekateeko aha biri omu kabokisi akari aha muheru gwa buri shuura. N’ahabw’ekyo, ebyahandiikirwe ebyorekirwe n’ebibuuzo ebiri omu kabokisi bishemereire kuheebwa obwire burikumara omu kubishwijuma.

3. Okubaasa kugasirwa omu bwijwire omu kwega akatabo aka twine kukora ki?

³ Abarikwebembera Okwega Baibuli okw’Ekibiina nibahigwa kutebeekanisiza gye okwega okwo kandi bakahiga buri omwe otwariiremu n’abasya, kutebeekanisa gye, kubaho buri saabiiti kandi bakagira eki baagarukamu.—km 10/08 rup. 1 kacw. 3