Ebi Turikubaasa Kugamba Turikugaba Zaamagaziini

The Watchtower Maaci 1

“Abantu baine emiteekateekyere etarikushushana ahari Yesu. Iwe noomutwara nk’omwana wa Ruhanga nari nk’omushaija murungi kwonka?” Tegyereza agarukyemu, reero mushome hamwe ebiri ahansi ya kimwe aha bibuuzo eby’erangi ekwatsire ebiri aha rupapura 16-17 na kimwe aha byahandiikirwe ebyorekirwe. Muhe magaziini kandi okore entebeekanisa kugarukayo mukasherura eky’okugarukamu ky’ekibuuzo ekindi.

Awake! Maaci

Waabugana omunyeeto, mworekye ebirikutandikira aha rupapura 26. Mworekye omutwe omukye ogw’okubanza reero omubuuze oti: “Nooteekateeka ngu ebigambo ebi bihikire nari bigwire? [Tegyereza agarukyemu, reero omushomere 2 Abakorinso 7:1.] Ebiri ahansi y’omutwe ogu nibigamba aha ki oine kumanya aha bikwatiraine, n’okureetsa n’oku orikubaasa kukureka.”

The Watchtower Apuri 1

“Abantu baingi baine enyikiriza zitarikushushana ahari Yesu. Nooteekateeka ngu ni kikuru kumanya amazima agarikumukwataho? [Tegyereza agarukyemu, reero omushomere Yohaana 17:3.] Magaziini egi neeshoboorora aha ki Baibuli erikugamba ahari Yesu—ahu yaarugire, ebi yaakozire n’enshonga ahabw’enki yaafiire.”

Awake! Apuri

“Noikiriza ngu okufeerwa omukundwa ni kimwe aha bintu ebigumire ebirikubaasa kuhika aha muntu? [Tegyereza agarukyemu.] Baingi bashangire ngu obuhabuzi obu nibuhwera. [Shoma Zaaburi 55:22.] Magaziini egi neegamba aha miringo emwe erikubaasa kutuhwera kwemera amaganya otwariiremu oku turikubaasa kwegyekyera Ruhanga oburemeezi bwaitu.”