Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Gyuraayi

“Abantu baingi nibamanya ebigambo ebi ebiri omu Shaara ya Tataitwe: Obukama bwawe bwije; eby’okunda bikorwe omu nsi nk’oku bikorwa omu iguru. Nooteekateeka ngu Obukama obwo niki? [Tegyereza agarukyemu.] Ekyahandiikirwe eki nikituhwera kutunga eky’okugarukamu.” Shoma Danieli 2:44. Ha ou orikubuurira Watchtower eya Gyuraayi 1 reero mushome hamwe kandi muhikaanise ebiteekateeko aha biri ahansi y’omutwe omukye ogurikubanza aha rupapura 16. Muhe zaamagaziini kandi okore entebeekanisa kugarukayo mukahikaanisa ebiteekateeko aha kibuuzo ekindi.

The Watchtower Gyuraayi 1

“Ahabw’okugira ngu nitutuuraho kumara obwire bukye kandi twine oburemeezi, baingi nibeebuuza ngu ekigyendererwa ky’amagara niki? Iwe oraakyebuurizeho? [Tegyereza agarukyemu.] Baibuli neeraganisa ngu amagara tigarikwija kuguma gatyo. [Shoma Okushuuruurwa 21:4.] Magaziini egi neeshoboorora aha kigyendererwa kya Ruhanga ahabw’ensi kandi egamba n’aha bintu bimwe ebi turikubaasa kukora okutunga okumarwa na hati.”

Awake! Gyuraayi

Gamba aha kintu kibi ekibaireho ekiri omu mpapura z’amakuru. Reero obuuze oti: “Nooteekateeka ngu ahabw’enki Ruhanga naareka ebintu nk’ebyo kubaho? [Tegyereza agarukyemu.] Kurugiirira ahari Baibuli, Ruhanga naafayo ahari abo abarikubonabona. [Shoma Okuruga 3:7.] Baibuli neetugambira n’enshonga ahabw’enki Ruhanga naareka okubonabona kukabaho kandi ngu naija kukumariraho kimwe. Ebi byona nibishoboororwaho omuri magaziini egi.”