Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Gyuraayi

“Nooteekateeka ngu Ruhanga naatwara ata okushaba kwaitu? Noogira ngu naahurira okushaba nari tarikuta mutima aha kushaba kwaitu?” Tegyereza agarukyemu. Mworekye ekibuuzo ky’okubanza ekiri enyima ya Gyuraayi 1 Watchtower, reero muhikaanise ebiteekateeko aha biri ahansi y’ekibuuzo ekyo kandi mushome n’ekyahandiikirwe kimwe aha byorekirwe. Muhe na Awake! kandi okore entebeekanisa kugarukayo mukagarukamu ekibuuzo ekirikukurataho.

Omunaara gw’Omurinzi Gyuraayi 1

“Obu Ruhanga ari ow’obushoboorozi bwona, nooteekateeka ngu niwe arikureetera ebintu bibi kubaho? [Tegyereza agarukyemu. Reero omushomere Yakobo 1:13.] Magaziini egi neeshoboorora ahabw’enki ebintu bibi nibibaho kandi n’eki Ruhanga araije kukora kumariraho kimwe obubi n’okubonabona.”

Awake! Gyuraayi

“Twena nituhikwaho akabi omu miringo etarikushushana nk’ebihikiirizi, endwara, nari okufa kw’omukundwa waitu. Ebi ku birikubaho, nooteekateeka ngu ni kikuru kuguma twine emiteekateekyere ehikire? [Tegyereza agarukyemu.] Abantu baingi bashangire ngu Baibuli neebahwera kwemera oburemeezi obu barikutunga. [Shoma Abarooma 15:4.] Magaziini egi neeshoboorora oku Baibuli erikubaasa kutuhwera twahikwaho akabi.”