Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Sebutemba

“Abantu b’enyikiriza n’amahanga gatari gamwe na gamwe nibashaba buri izooba. Nooteekateeka ngu Ruhanga naahurira okushaba kwona kandi akugarukamu?” Tegyereza agarukyemu, reero omuhe Watchtower eya Sebutemba 1, kandi muhikaanise ebiteekateeko hamwe aha biri ahansi y’omutwe omukye oguri aha rupapura 16 kandi mushome hamwe n’ekyahandiikirwe kimwe aha byorekirwe. Muhe zaamagaziini kandi okore entebeekanisa kugarukayo mukahikaanisa ebiteekateeko aha kibuuzo ekindi.

The Watchtower Sebutemba 1

Mworekye ebiri aha mutwe gwa magaziini, reero ogire oti: “Noobaasa kugarukamu ota ekibuuzo eki? [Tegyereza agarukyemu.] Yetegyereze eki Baibuli erikugamba. [Shoma 1 Yohaana 5:19.] Kurugiirira aha kyahandiikirwe eki, ‘Omubi,’ nari Omuregi niwe arikutegyeka ensi. Kwonka ekyo nikireetaho ebibuuzo ebimwe. Omuregi akaruga nkahi? Mbwenu shi n’omuntu owaabuzima? Ruhanga naija kumwikiriza kutegyeka kuhitsya ryari? Magaziini egi neeyoreka eki Baibuli erikugamba.”

Awake! Sebutemba

Abantu baingi ebiro ebi nibeerarikirira ahabw’oburemeezi bw’eby’empiiha. Nooteekateeka ngu n’ahabw’enki kigumire kutunga empiiha z’okugura eby’okwebaisaho? [Tegyereza agarukyemu.] Baibuli erimu obuhabuzi burungi obuhwereire baingi kukoresa gye empiiha zaabo. [Shoma kimwe aha byahandiikirwe ebiri aha rupapura 8-9.] Magaziini egi neeha obuhabuzi burungi abo abarikuteganisibwa amabanja.”