Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Sebutemba

“Baingi nibaikiriza ngu eizooba rimwe Ruhanga naija kubacwera orubanja arikwihirira aha bikorwa byabo. Nooteekateeka ngu tushemereire kutiina ekiro ky’okucweraho orubanja nari tushemereire kukigirira ekihika? [Tegyereza agarukyemu.] Yetegyereze eki magaziini egi erikugamba.” Ou orikubuurira muhe Watchtower eya Sebutemba 1, kandi muhikaanise ebiteekateeko hamwe aha biri ahansi y’omutwe omukye ogurikubanza aha rupapura 16, mushome n’ekyahandiikirwe kimwe aha byorekirwe. Muhe na Awake! kandi otebeekanise kugarukayo mugarukemu ekibuuzo ekindi.

The Watchtower Sebutemba 1

“Omu mahanga maingi abakazi nibashoroorwa kandi nibatwarizibwa kubi. Eky’obusaasi, ebi ediini ezimwe zirikwegyesa nabyo nibyongyerera ahari eki. Nooteekateeka ngu Ruhanga naafayo aha bakazi? [Tegyereza agarukyemu.] Yetegyereze oku Baibuli erikuragiira abashaija kutwariza abakazi baabo. [Shoma Abaefeso 5:28, 29.] Magaziini egi neeyoreka oku Ruhanga arikutwara abakazi.”

Awake! Sebutemba

“Baingi nibagira ngu eizooba rimwe ensi neija kuhwaho, obundi erikumarwaho orugamba rw’amaani nari ekihikiirizi nk’embeera mbi y’obwire. Nooteekateeka ngu okuteebereza nk’okwo kuhikire? [Tegyereza agarukyemu.] Baibuli erimu okuraganisa oku okurikuhuumuriza. [Shoma Zaaburi 37:29.] Magaziini egi neeyoreka ebintu bimwe ebi abantu barikuteekateeka ngu nibiija kubaho kandi eyoreka n’eki Baibuli erikugamba aha kiraabeho omu biro by’omumaisho.”