Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Gyuni

Shoma Zaaburi 83:18, reero ogire oti: “Kurugiirira aha kyahandiikirwe eki, Ruhanga aine eiziina. Nooteekateeka ngu ni kikuru kukoresa eiziina rya Ruhanga? [Tegyereza agarukyemu.] Yetegyereze ebiri omu kicweka eki.” Ou orikubuurira muhe Watchtower eya Gyuni 1, kandi muhikaanise ebiteekateeko hamwe aha biri ahansi y’omutwe omukye ogurikubanza aha rupapura 16. Muhe zaamagaziini kandi otebeekanise kugarukayo mugarukemu ekibuuzo ekindi.

The Watchtower Gyuni 1

“Niinkushaba ongambire eki orikuteekateeka aha nshonga nkuru egi. [Shuuruura aha rupapura 3, kandi omworekye ebiriho.] Ni nshonga ki omuri ezi erikushoboorora gye oku orikutwara Baibuli? [Tegyereza agarukyemu.] Yetegyereze oku Baibuli erikwegambaho. [Shoma Abarooma 15:4.] Magaziini egi neegamba enshonga itaano ahabw’enki Baibuli kiri ekitabo ky’omutaano kandi egamba n’aha ku erikubaasa kutugasira.”

Awake! Gyuni

“Buri mwaka abantu baingi nibarwara ahabw’okurya eby’okurya bitacumire gye. Iwe nookireeba ota omu kicweka kyaitu? [Tegyereza agarukyemu.] Magaziini egi neegamba aha miringo ena ei turikubaasa kurindamu ab’omu maka gaitu kutakwatwa endwara ezirikureetwa eby’okurya bitacumire gye. Kandi neeyoreka ngu Baibuli neeraganisa ngu juba buri omwe naija kutunga eby’okurya birungi bingi.” Shoma Zaaburi 104:14, 15.