Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Mei

“Mbwenu shi amadiini gabaasize kureetaho obusingye n’okukundana nari rwago n’obushaarizi? [Tegyereza agarukyemu.] Ka nkworekye ekintu kimwe ekirikutangaaza aha nshonga egi.” Mushome hamwe ebiri omu Watchtower eya Mei 1, ahansi y’omutwe omukye ogurikubanza aha rupapura 16 n’ekyahandiikirwe kimwe aha byorekirwe. Muhe zaamagaziini kandi otebeekanise kugarukayo mugarukemu ekibuuzo ekindi.

The Watchtower Mei 1

“Baingi nibagira ngu kihikire ediini kwejwanzya omu by’obutegyeki kandi abandi nibagira ngu tikihikire. Iwe ekyo nookigambaho ki? [Tegyereza agarukyemu.] Yetegyereze eki Yesu yaakozire obu abantu baabaire nibenda ngu ayejwanzye omu by’obutegyeki. [Shoma Yohaana 6:15.] Magaziini egi neeshoboorora ahabw’enki Yesu yaatwarize atyo kandi eyoreka n’emiringo mirungi ei Abakristaayo barikuhweramu abantu omu kicweka kyabo.”

Awake! Mei

“Haihi buri omwe ou turikubuurira naagira ngu baramutwariizeho kubi. Nooteekateeka ngu obutari buringaaniza buryahwaho? [Tegyereza agarukyemu.] Yetegyereze obunabi obu oburikukwata aha mutegyeki oraahezeho obutari buringaaniza. [Shoma Zaaburi 72:11-14.] Magaziini egi neegamba aha ki Baibuli erikuraganisa aha buringaaniza oburaabeho omu biro by’omumaisho.”