Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Agusto

“Obunaku obu abantu nibooreka Yesu nk’oku yaabaire ari emyaka enkumi ibiri ehingwire, nk’omwereere nari nk’okihanikire aha muti. Kwonka shi iwe nooteekateeka ngu Yesu naakora ki hati? [Tegyereza agarukyemu.] Yetegyereze eki.” Ou orikubuurira muhe Watchtower eya Agusto 1, kandi muhikaanise ebiteekateeko hamwe aha biri ahansi y’omutwe omukye ogurikubanza aha rupapura 16, mushome n’ekyahandiikirwe kimwe aha byorekirwe. Muhe na Awake! kandi otebeekanise kugarukayo mugarukemu ekibuuzo ekindi.

The Watchtower Agusto 1

“Abantu baingi nibaikiririza omu by’okutangaaza. Kwonka abandi nibabangaanisa. Nooteekateeka ngu eby’okutangaaza buzima nibibaho? [Tegyereza agarukyemu.] Eky’okutangaaza eki ekiraabeho omu biro by’omumaisho kireetaire abantu kugira amatsiko. [Shoma kimwe aha byahandiikirwe ebirikworekwa aha rupapura 9-10.] Magaziini egi neegarukamu ebibuuzo bishatu ebi abantu barikukira kwebuuza ebirikukwata aha by’okutangaaza.”

Awake! Agusto

“Obunaku obu abantu nibatiina kugyenda bonka nyekiro. Nooteekateeka ngu hariho ekirikubaasa kukorwa kutuubya ebikorwa by’obushaarizi? [Tegyereza agarukyemu.] Magaziini egi neegamba aha bintu bimwe ebi turikubaasa kukora kubaasa kutuurana n’abandi omu busingye. Neegamba n’aha ku obunabi obu buraahikiirire.” Shoma Zaaburi 72:7.