Noobaasa Kugira Ou Waayeta?

Ebibiina bingi birimu ababuurizi abatarikubaasa kukora kihango omu kubuurira ahabw’endwara ezitarikubaasa kukira nari ahabw’emyaka ya bukuru. (2 Kor. 4:16) Noobaasa kweta ori omu mbeera nk’ezo kugyenda naiwe aha mwegi waawe wa Baibuli? Yaaba arwaire kandi atarikubaasa kugyenda, noobaasa kutwara omwegi waawe mwegyere owe omu ka. Obumwe noobaasa kukora entebeekanisa kubuurira n’omwe aha baine amagara mabi enju aha nju kumara obwire bukye nari okagyenda nawe aha muntu omwe nari babiri abaayorekire ngu nibenda kumanya ebirikukiraho? Ababuurizi baingi abakuzire nibamanya kubuurira gye. N’ahabw’ekyo, okuteeraho kubuurira nabo tikirikwija kubagaruramu maani kwonka beitu naiwe noija kugasirwa. (Rom. 1:12) Kandi Yehova naija kukuha emigisha ahabw’okuteeraho kubooreka rukundo omu muringo ogu.​—Enf. 19:17; 1 Yoh. 3:17, 18.