Bahwere Kuhama omu Kwikiriza

Nikishemeza kureeba oku Yehova arikwongyera kureeta abantu omu kibiina kye. Abantu abarikurenga kimwe kyakana kya kakaikuru nibabatizibwa buri mwaka. (Bir. 28:2) Ababuurizi baine omuze gw’okureka kwega n’abeegi baabo ku barikubatizibwa, batandika kuta omutima aha kuhwera abandi abatakabatiziibwe. Omwegi nawe naabaasa kureka kwega kugira ngu ayongyere aha bwire bw’okubuurira. Kwonka ni kikuru, omwegi wa Baibuli kugira omusingye guhami omu mazima. Baine ‘kutsimba emizi’ omuri Kristo kandi ‘bakahama omu kwikiriza.’ (Kol. 2:6, 7; 2 Tim. 3:12) N’ahabw’ekyo, bwanyima y’omwegi kubatizibwa, ashemereire kugumizamu naayega Baibuli kuhitsya obu araaheze kwega akatabo, Eki Baibuli Erikwegyesa n’akatabo “Okukunda kwa Ruhanga.”​—Reeba Obuheereza Bwaitu obw’Obukama Apuri 2011, orupapura 2.