Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Febwari

“Abantu abamwe, baine emiteekateekyere etarikushushana ahari Baibuli. Abamwe nibagira ngu Baibuli n’Ekigambo kya Ruhanga, abandi nibagitwara nk’ebitabo ebindi. Iwe Baibuli noogitwara ota?” [Tegyereza agarukyemu.] Mworekye ebiri enyima ya Watchtower eya Febwari 1, reero muhikaanise ebiteekateeko aha kibuuzo eky’okubanza, mushome n’ekyahandiikirwe kimwe aha byorekirwe. Muhe na Awake! Kandi okore entebeekanisa kugarukayo mukagarukamu ekibuuzo ekirikukurataho.

Omunaara gw’Omurinzi Febwari 1

“Baingi nibenda kureeba entaro nizihwaho. Nooteekateeka ngu nihabaasa kubaho obusingye omu nsi yoona? [Tegyereza agarukyemu.] Yeetegyereze eki ebyahandiikirwe barikuraganisa. [Shoma Zaaburi 46:9.] Ebyabaireho omu rutaro rw’ensi yoona orw’okubanza n’ebyabaireho bwanyima yaarwo nibituhamiza ngu omu bwire butari bwahare Ruhanga naija kuhikiiriza obunabi obu kandi amariireho kimwe entaro. Magaziini egi neekishoboororaho.”

Awake! Febwari

“Twaba nitugaaniira n’abantu aha buremeezi oburikukira kubaho. Nikireebeka ngu tikirikubaasika kutunga obwire burikumara kubaasa kukora byona ebi omuntu arikuba naayenda. Nooteekateeka ngu twine bingi by’okukora nari n’ahabw’okukoresa kubi obwire bwaitu? [Tegyereza agarukyemu.] Baingi tibarikumanya ngu Baibuli neetuha obuhabuzi aha ku turikubaasa kukoresa gye obwire. Obu nibumwe aha buhabuzi. [Shoma Abafilipi 1:10a.] Magaziini egi neeyoreka ebintu bina ebihwereire baingi kukoresa gye obwire bwabo.”