Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Mei

“Nituhikaanisa ebiteekateeko n’abantu aha kibuuzo kikuru. [Mworekye ekibuuzo ky’okubanza ekiri enyima ya Watchtower eya Mei 1.] Noobaasa kugarukamu ota ekibuuzo eki?” Tegyereza agarukyemu. Reero muhikaanise ebiteekateeko aha biri ahansi y’ekibuuzo ekyo kandi mushome n’ekyahandiikirwe kimwe aha byorekirwe. Muhe na Awake! kandi okore entebeekanisa kugarukayo reero mugarikyemu ekibuuzo ekirikukurataho.

Omunaara gw’Omurinzi Mei 1

“Abantu baingi nibenda kumanya ebiraabeho omu biro by’omumaisho. Iwe eki nookiteekateekaho ki? Noogira ngu ebiro by’omumaisho ni birungi nari nibyerarikiriza? [Tegyereza agarukyemu. Reero oshome kimwe aha byahandiikirwe ebiri omu kabokisi “Ebi Yehova Arikutumanyisa aha Biro by’Omumaisho.”] Magaziini egi neshoboorora bimwe aha bi Ruhanga arikutumanyisa ebiraije kubaho omu biro by’omumaisho kandi eshoboorora ahabw’enki nitubaasa kuhamya ngu nibiija kubaho.”

Awake! Mei

“Turiyo nituhwera abantu kumanya oku barikubaasa kusingura ebirikubeerarikiriza. Noogira ngu hariho ebintu bingi ebirikureetera abantu kwerarikirira kukira ebiro eby’enyima? [Tegyereza agarukyemu.] Baingi bashangire ngu okukuratira obuhabuzi bw’omu Baibuli kibahwereire kusingura ebirikubeerarikiriza. Obu nibumwe aha buhabuzi. [Shoma Matayo 6:34.] Magaziini egi neeshoboorora oku emisingye ya Baibuli erikubaasa kutuhwera kusingura ebintu biina ebirikureeta okwerarikirira.”

Eby’okwetegyerezibwa: Magaziini egi neebaasa kwija kushemeza munonga ab’eby’obushuubuzi.