Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Desemba

“Nitutaayaayira amaka omu kicweka eki. Abazaire baingi nibenda ngu abaana baabo bakunde Ruhanga. Nooteekateeka ngu abazaire nibabaasa kwegyesa abaana baabo kukunda Ruhanga nari abaana nibo baine kweyegyesa?” Tegyereza agarukyemu. Mworekye ebiri enyima y’Omunaara gw’Omurinzi ogwa Desemba 1, kandi muhikaanise ebiteekateeko aha biri ahansi y’ekibuuzo eky’okubanza, mushome n’ekyahandiikirwe nka kimwe aha byorekirwe. Muhe na Awake! kandi okore entebeekanisa nawe kugarukayo reero mugarukyemu ekibuuzo ekirikukurataho.

Omunaara gw’Omurinzi Desemba 1

“Turiyo nituhikaanisa ebiteekateeko n’abantu aha birikukwata ahari Ruhanga. Nitumanya ngu buri omwe aine oku arikuteekateeka ahari Ruhanga. Noogira ngu baingi nibateekateeka ahari Ruhanga nk’amaani agatarikureebwa nari nk’omunywani orikufayo? [Tegyereza agarukyemu.] Ekyahandiikirwe eki nikyoreka omukago ogu Ruhanga arikwenda ngu tugire nawe. [Shoma Yakobo 4:8a.] Magaziini egi neeyoreka ebintu bishatu ebi turikubaasa kukora kwirira haihi Ruhanga.”

Awake! Desemba

“Nituhikaanisa n’abantu ebiteekateeko aha burwaire oburikukira kuteganisa abantu. Kurugiirira aha kitongore ky’eby’amagara omu nsi yoona, endwara z’omutwe, nk’okweyinamirira, nizibaasa kwija kukwata nk’omutu omwe aha bantu bana. Nooteekateeka ngu oburwaire obu bujanjaire munonga ebiro ebi? [Tegyereza agarukyemu.] Baibuli neetuha amatsiko ngu omu biro by’omumaisho, nihaija kuba hatakiriho ndwara n’obusaasi. [Shoma Okushuuruurwa 21:3, 4.] Magaziini egi neeyoreka bimwe ebi buri omwe ashemereire kumanya aha bikwatiraine n’endwara z’omutwe.”