Okwongyera Kubuurira Gye​—Okubuurira omu Myanya Erikukorerwamu eby’Obushuubuzi

Ahabw’Enki Ni Kikuru: Obu abantu baingi barikumara eshaaha nyingi aha murimo, omuringo murungi gw’okubabuurira amakuru g’Obukama n’okubashanga aha mirimo yaabo. Okubuurira omu myanya erikukorerwamu eby’obushuubuzi ni kirungi kandi niharugamu ebirungi, ahabw’okuba tihariho obu barikuba batariyo kandi nibatutwariza gye barikuteekateeka ngu twija kugura ebintu. Kubaasa kubuurira gye omu myanya nk’egyo twine kukoresa obwengye kandi tukajwara gye omu muringo ogurikuhaisa ekitiinisa. (2 Kor. 6:3) N’ahabw’ekyo, omureeberezi orikukora aha by’obuheereza aine kumanya emirundi ei emyanya egi ebuurirwemu n’abagibuuriremu.